في عالم حواء
اليوم جايبة عشاء أختي الغالية
أم سعد
ادعوا لها بالتوفيق والنجاح وهداية أولادها ويبارك فيهم
ان شاء الله
دقت علي قالت لا تسوين عشاء أنا أبجي وأجيب عشاي
عاد جابت ثلاث صواني ماشاء الله طعم وشكل ولا أروع
وأناسويت بطاطس مقلي>>>>الدلوعة اليوم كسلااااانه
وجيت وصورتها بعجالة لأنهم بياكلون العشاء عني وما يمدي
أحطها على السفرة الا والصواني فاااااضية
وقالتلي صوريهن ونزليهن بعالم حواء
ونبقىىىىى مع الصوررررر
:26:
هذي صينية فته
طريقتها
دجاج أو لحم مقطع مكعبات محموس بشوي زيت وفلفل
رومي مقطع مكعبات وحبة ماجي ورشة ملح ونحركة
على النارلين يستوي ونحطه بصينية الفرن كطبقة أولى وطبقه
الثانية عبارة عن بطاطس وباذنجان وجزر وكوسه مقطعه مكعبات
ومقليه بالزيت ونحطها فوق الدجاج كطبقه ثانيه والطبقه الثالثه
حمص حب اللي يجي بالعلب نغسله ونحطه على الخضار
والطبقه الاخيره علبة زبادي ونص مع نصف كوب طحينه
سايله ونخلطها زين ونصبها فوق الحمص وأخيرا
تزين بيقدونس مفروم
وهذي صينية دجاج متبل بالفرن
طريقته
دجاج مقطع أثمان بالعظم
في الخلاط
(ثوم وبصل وكزبره خضراء وحبة ماجي وملح وبهارات مشكله وكركم ومعجون طماطم وفلفل أسود )
ونحط الخلطه على الدجاج ونحطه بصينية الفرن
ونشغل النار فوق و تحت ونخليها لين تتحمر وتنشف الماء حق الدجاج
ويتحمر ونقطع بصل شرائح وبقدونس ورشة سماق
ونفرش صينية التقديم فيه ونحط الدجاج عليه
وهذي صينية معكرونة بالباشميل
طريقتها
على النار في صينيه نقطع بصل ونحمسه لين يتحمر ويصير لونه ذهبي
ونحط عليه صدور دجاج مقطعه مكعبات ونقلبه لين يستوي وبعدين
نحط فلفل رومي وجزرمبشور ونحركه ثم نحط فص ثوم مبشور ونحط بطاطس
مقطع مكعبات ومقلي ونحط بهارات مشكله وكركم ومكعب ماجي ورشة ملح
ومعجون طماطم ونسلق معكرونه مع ملح ومكعب ماجي وشوي زيت
ونخليه لين يستوي
ونحطه فوق الدجاج ونساويه بالملعقه ونضغط عليه وبعدين نحط ف قدر صغير
5ملاعق دقيق أبيض ورشة ملح وماجي أبيض وزيت شوي
ونحط عليه 3أكواب حليب (في كل كوب ماء 3ملاعق حليب مجفف )
ونحركه باستمرار على نار هااديه لين يثقل الخليط ويصير متماسك
نصبه فوق المعكرونه ونحط علية جبنه موزريلا وندخله الفرن
لين يتحمر من فوق وتحت
وبالعاااااافية
:)
وشكرا
:26: