عشانا بسكوت!!!!؟؟

السلام عليكم ورحمه الله وبركاته
انا باقول لكم سالفه وابغي اعرف وش التصرف الصح
زوجي جا اليوم متاثر من طالب عنده
طبعا زوجي يدرس صف اول ابتدائي
المهم كان الدرس عن الحليب
قام يسالهم زوجي تشربون حليب الصباح كل الطلاب قالو ايوه
بس يوم جا الدور عند ذ الطالب قال لا انا ما اشرب ؟؟
قاله طيب تفطر فالبيت قال :لا
قال لما كنا في بيتنا القديم ماكنا نتغدا ولا نفطر
اما ذلحين نقلنا بيت ثاني صرنا نتغدا رز وطماطم يقول زوجي ان الولد مبسوط وهو يتكلم عن غداهم يقووول يستاذ مررره لذيذ مسكين يقطع القلب 😔
قال زوجي والعشاء :قال نتعشى بسكوت
ويوم نشده ابوك يشتغل قال: ايوه ابوي يروح العمل بس مايدري الولد وش يشتغل
المهم صار زوجي يتعمد يساله اسئله سهله ويعطيه مكافأه علشان ما يتأثر المسكين
:؛؛الطالب مره شاطر بس ظروفهم المعيشيه صعبه والسنه الدراسيه بتخلص وابيروح ثاني ابتدائي وزوجي شايل همه. من ابيعطف عليه وطبعا زوجي ابينقل من المدرسه

ابغي اسال كيف التصرف الصحيح في مثل هالحاله ؟

هل الجمعيات الخيريه تسوي بحث في المدارس تشوف وضع الفقراء الي زيه والا لا يعني لو اتصل بالجمعيه الخيريه ممكن يجون المدرسه يبحثون حالته ؟؟
ويصرفون له ولاهله شي
.....الي عندها اي حل والا فكره تقولها
والدال على الخير كفاعله