عشان تقدرى تسيحى السويت

ازيكوا كلكوا ..
اولا كدا مش عايزة تريقة .. عيب عليكوا عشان انا عارفة ان فيه ناس هتدخل تقول هى هبله دى ولا ايه قال يعنى جابت الديب من ديله :04::04:
بس والله الموضوع مش كدا .. كل الحكاية ان انا كنت بعانى من السويت عشان مكنتش بعرف اسيحها يعنى لما باخد قطعه واحاول اخليها تسيح شوية عشان تبدأ تشتغل معايا وتمسك فى الشعر وتشيل وكدا كانت ايدى بتوجعنى على ما تبدأ تسيل شوية فعلى ما ابدأ اعمل كنت ببقى تعبت اساسا

وقولت يمكن يكون فيه ناس زيى كدا بتعانى من الموضوع دا خصوصا ان فكرة انى اسيحها على النار الاول يعنى متنفعش عشان الفضايح وكدا :D وافضل رايحه جايه على المطبخ

المهم ... جبت علبه حمام كريم فاضيه وحطيت فيها قطع السويت وبقيت عشان استخدمها اغل مايه واحطها فى طبق غويييييط واحط علبه السويت واغطيها شوية والاقيها ساحت وابدا اخد منها الى انا عايزاة
طبعا ساعات هتلاقوها ساحت اوى مفيش مشكلة لما تمسكيها شوية فى ايدك واحدة واحدة هتلاقيها مسكت نفسها وانتى ابدأى حركيها كدا وشديها وهى هتمسك نفسها معاكى شوية لحد ما تلاقيها بقت حلوة


الطريقة دى حلت لى مشكلتين الاولى زى ما قولتلكوا فوق والتانيه ان السويت كانت على ما بتبدأ تشيل كان لازم اشيها على ايدى كذا مرة وكدا ودا برضة شئ مرهق اوى

يا ريت اكون فدتكوا بحاجة
باااااااااااااى يا حلوين :7_5_131::7_5_131: