عش ياولدي عش ياسعدي .. وارتاح أبشقالك أنا

:39:السلام عليكم جميعا:39:
اخواتي .. الله يرزق كل من تتمنى الحمل والاولاد مثلي..
انا لي سنتين متزوجة وأمووووووت على البزاااارين:icon33: ...بعد خمس اشهر من زواجي راجعت المستشفى وقد كنت اعاني من قبل وأنا بنت من انقطاع الدورة وعدم انتظامها .. لكن ما اهتمييييت ابد
لدرجة انها مرة انقطعت 6 شهووووور ..
اول مرة تنقطع قبل حوالي ثمان سنين كان برمضان وصمته كله وجاء رمضان اللي بعده وبعد صمته بدون دورة ..
وبعده انقطعت شهرين وآخر الشهر الثالث نزلت وقبل لا اتزوج بسنة انقطعت 6 شهووور..
المهم بعد ما راجعت وتحاليل واشعة .. قالوا عندك تكيسات صغيييييرة وكثيرة داخل المبيضين .. وهرمون الذكورة مرتفع مرة .. لازم اول شي ننظم لك الدورة عن طريق مانع الحمل ديان 35 وفعلا اكلته مدة 3 شهور ورجعت لهم وعطوني منشط كلوميد حبتين باليوم ... ولما راجعتهم قالي الدكتور مافي حمل وسوا لي اشعة وقال عندك بطانة الرحم سميكة واذا ما كنت غلطانة قال (4 سم )((كنت وقتها ما اعرف شي عن هالأمور والدليل كنت ما اسأل عن الاسباب ولا اجادل الدكتور بس اسمع كلامه واطلع)) وحددلي الشهر اللي بعده اسوي اشعة صبغة ولما رحت لموعدها قالوا الجهاز خربان وكنسلت المواعيد بعد انتقالي لمدينة اخرى وبديت هناك مراجعات جديدة في مستوصف خاص مدحوا لي دكتورة النسا عندهم .. وسوت لي تحاليل وقالت هرمون الذكورة عالي جدا (10 )وهو اللي مسبب لك كل هاللخبطة وهرمون الحليب فيه ارتفاع طفيف.. وعطتني مانع حمل ديان 35 لمدة 3 شهور وطلبت من زوجي تحليل وطلعت النتيجة (60 بالمية) وقالت عندك التهاب وعطته مضاد لمدة اسبوع فقط وبعدها جيتها وسوت لي تحليل ثاني وطلعت النتيجة نزوووووول الهرمون الى (1/2) يعني نص .. قلت لها يعني زين قالت ممتاز جدا ونبدأ منشطات كلوميد حبتين باليوم من ثالث يوم للدورة مع دبرجين نصف حبة لمدة شهر وهذا لهرمون الحليب .. مع حبوب أكلها قبل موعد الدورة اللي بعدها بخمسة ايام تنزل الدورة او تثبت الحمل .. وما كتب لي ربي حمل وكان مقاس احسن بويضة( 10 ) وكملت لي نفس الوصفة السابقة بس زادت الجرعة يعني 4 حبات باليوم كلوميد وحبوب ثانية نسيت اسمها المهم غالية الشريط الواحد فيه 14 حبة بسبعين ريال آكله من خامس يوم الدورة الين يخلص الشريط ..ورحت وقتها لحرمة معالجة شعبية وتقرا .. ومرختني ثلاثة ايام من ثاني يوم للدورة وعطتني اعشاب اشربها مع الحليب مرتين باليوم وسفوف أكله قبل الغدا أو العشا وقالت لي انتي فيك نفس قديييمة ولازم تواصلين علاجك مع الدكتورة وتاكلين الاعشاب الين الدورة الجاية وقالت بعد لا تاخذين ابرة تفجيرية ان شاء الله تكبر البويضة وتنفجر من نفسها وفعلا سويت اللي قالت ولما جاء يوم 12 من بداية الدورة بعد الجماع حسيت بشي ينغزني كأنه سكين بجنبي اليمين ولما قمت استحم نزل خيوط دم وبعدها صار ينزل دم كثر كمية الدورة العادية وعصبببت مرة مدري وش هذا اللي نزل ..وما لقيت احد يوديني للدكتورة الا في اليوم 15 ومازال الدم ينزل ولما قلت لها سوت لي اشعة صوتية من تحت وقالت البويضة منفجرة .. قلت يعني ممكن حمل قالت: قولي ان شاء الله .. وعطتني حبوب برمولت اكل 3 حبات باليوم الين موعد الدورة وما كتب لي ربي حمل ونزلت الدورة وكملت الشهر الثالث واخذت 4 حبات كلوميد في اليوم مع الوصفة الباقية بس غيرت لي حبوب دبرجين وعطتني حبوب ثانية ماأعرف اسمها المهم علبة قزاز صغيرة فيها حبتين أكل نص حبة كل يوم خميس ولما رحت للحرمة ابيها تشوفني ما لقيتها موجودة واتكلت على الله وصوت ادهن نفسي بزيت زيتون مقري فيه لكن الاعشاب اكلتها بس في الدورة ووقفتها حسبتها تأثر على الحمل ..وبعد الدورة بأسبوع تقريبا او أكثر حصلت رقمها وكلمتها وقالت لي اكلي الاعشاب لين تخلص يوميا لا تخلينها ما تأثر على الحمل بالعكس تساعد .. وقالت تعالي اذا نزلت الدورة الجاية اشوفك ..وكنت وقتها بسافر لاهل زوجي ورحت للدكتورة في اليوم التاسع وسوت لي اشعة وقالت فيه بويضات كثيرة واكبر وحدة مقاسها 14 قلت لها انا بسافر شلون اعرف موعد الابرة قالت:البويضة تكبر كل يوم 2 مل يعني اخذي الابرة في يوم 11 راح تكون وصلت بإذن الله مقاس 18 وعطتني وصفة الابرة وهناك عند منطقة اهل زوجي رحت في اليوم 11 ودقيت الايرة وكانت بودرة وحدة وسائل واحد فقط اللي مكتوب عليها 5000 بدون لا أسوي اشعة لان دكتورتي قالت دقيها ولا تسوين اشعة عشان ما يلخبطون عليكي..
ونزلت الدورة بقووووة بعد وجاني ألم قوي كنت طايحة على الفراش اليوم الاول والنفسية بالارض .. طبعا دكتورتي قالت : راااحة الشهرينن دول ..تقصد رجب و شعبان .وهي سافرت لمصر اجازة وبتجي بنهاية شعبان وعطتني رقمها في مصر للضرورة ... وكنت ناسية اعشابي عند امي وما اكلتها ولا اكلت اي منشط سواء طبي او طبيعي ..وسافرت للمدينة المنورة عشاني ارتاح نفسيا هناك وقالت لي اختي مري على مرة هناك تشوفك((تعالجت عندها اختي وحملت بعد توفيق الله)) ولما رحت لها طبعا وانا طاهرة وعلمتها بكل شي ولمست بطني وهمزته شوي قالت الر حم عندك كبيييير ومليان سوائل واوساخ وهاذي السوائل هي اللي ترد الحيوان المنوي .. قلت كيف تكونت السوائل ؟؟ قالت: البنت بعد الزواج تتلخبط عندها الهرمونات وينزل سائل بسيط برحمها بس بعده تتعدل الهرمونات وتحمل طبيعي بدون اي تدخل طبي.. وانتي تقصدني أنا تكون عندك سائل في بداية الزواج مع تأخر الدورة ولخبطتها صار فيه أوساخ والمنشطات كملت الناقص صحيح نشطت المبايض بس سوت لي سوائل كثيرة بالرحم وأنا أصلا ملاحظة انه بطني كبر وصار لي كرش وانا اللي كنت (ملهوفة الحشا) وقالت لا عاد تاخذين منشطات اعتمدي على التمريخ والمنشطات الطبيعية وتابعي التبويض لان هرمون الذكورة والحليب ما ينزلوا الا مع التمريخ.. ومرختني وحطت لي كاسات هوا على بطني وظهري وطلبت مني احط في المهبل 15 حبة سكر نبات أرصها رص ورى بعض عشان تنزل السوائل بعد مايجمعها التمريخ .. وفعلا حطيتها ونمت وما توقعون وش صار فيني؟؟
نزلت موييييياااااات كثيرة وكأني مسويتها على نفسي ورحت لها اليوم اللي بعده ومرختني وحطت لي كاسات هوا وقالت واصلي على السكر نبات لمدة 5 أيام ولما تجيك الدورة حطيها من أول يوم دورة حتى الخامس واشربي من هنا الين تحملي فنجان يانسون مغلي ب3 كاسات موية وتحلينه بالعسل الطبيعي مرتين يوميا واكلي سمك ورطب وثوم ني .. وتعالي في دورة رمضان لانها بالشهر هذا مسافرة .. وهاذي هي الدورة مشرفة من البارحة وذابحتني الله يعين بس ولا يخسر التعب ..
وزوجي بإذن الله راح يبدأ بكرة خلطة الرومي يتروش فيها لمدة 7 أيام عن العين .. لانه معيون من يومه صغير وصار له الهوايل الله يعين .. خفت لا يكون للحين فيه شي من آ ثارها وأنا راح أبدأ فيها لما أطهر إن شاء الله..
البنات اللي عندهم خبرة .. وش رايكم برحلة علاجي.. تراني جاهلة وعالبركة أمشي.. وش رايكم بنتيجة تحليل زوجي ؟؟ ولا أنسى حرمة المدينة قالت لي حطي ملعقتين عسل بكاسين مويه من الليل والصبح اخلطيها واشربيها انتي وزوجك مع 7 حبات حبة البركة ..
:baby2::baby2: يارب ترزقني ياحي ياقيوم أنا وأختي وجميع المحرومات:baby2::baby2: