عصبتي تطلع باوقات غلط

بنات اكرررررره نفسيتي بشكل
انا بكل امانه مضغوطه من اهلي
بنات امي من النوع اللي راميه الحمل والاعتماد
كله علي يعني حتى اشغال خواتي واشغالها اغراضهم
راميتهم علي مع ان كل خواتي كبار بالكليه ويسوقون
ومعهم رخصه
امي يابنات بكبرها صايره تعتمد علي بكل شي
يعني ماتعرف ولا شي تبي انا اسوي لها كل شي
وزياده على كذا
محملتني مسولية خواتي قسم بالله منذ الطفوله
وامي مخليتني كاني ام لهم
الحين كلهم عجز كبار بالعمر وحذه٢٤ ووحده٢٢
وللاسف اعتمادهم الكلي علي
من لما سقت الله ياخذ السواقه استغفر الله
واهلي بالذات امي وخواتي على بالهم سواق عندهم
اوكي امي من عيوني اسوي مشاويرها
لكن يابنات خواتي كبار ومعهم رخص
ولو اشتهو طلعه كوفي وصديقاتهم يطلعو يركضو
لكن اغراض لهم كل اعتماذهم علي
مثلا وحده تحتاج مذكره
وحده تحتاج اغراض من الصيدليه
يحتاجون اغراض اكل سوبر ماركت كوفي
اي شي يخطر ببالكم انا
روحي جيبي سوي حطي وصلي اشتري
شفتو نظام السواق حاطيني مثله
ولو بتهاوش واقول موب فاضيه او مالي دخل
امي زعلت ولا تناظرني ويجيني تانيب ضمير
وارضخ واحيانا لاني مسالمه مابي مشاكل وهواش
اضغط ع نغسي واروح واسوي واجيب حتى لو الحاجه مب لي
لكن للاسف اهلي يحسبوني جدار ماحس
يحسبون ماعندي حياة يحسبون بجلس لهم طول عمري
اخدمهم بالذات امي صايره ترمي كل حملها وحمل خواتي
علي وارجع تعتمد علي وخلاص الحين لو
اغيب عن البيت اسافر او شي يومين
تنجن امي لين ارجع مو قصه تفقدني
تفقد احد ينفذ طلباتها وطلبات بناتها
اللي هم خواتي بنات خواتي كبار لكن كانهم اطفال
والسبب امي ماعوذتهم يتعتمدون ع انفسهم
والله ثم والله حتى السنتيان يرسلوني اجيبها لاختي!!
متخيلين!!
خواتي صارو اتكاليات بدرجه جنونيه
وللاسف الوضع عاجب امي
عمرها مافكرت بعيدن وش الوضع هي اصلا
ماتبي اجيب سيرة زواج ولا شي تخاف تفقد اللي جالسه
اخدمهم
بيضعون من غيري يعني امي تخاف من خواتي
تبي تسوي لهم كل شي بس تجي تغثني انا
زي مذكراتهم تقول وديني انا انزل
اجيب لهم تدري لني مستحيل اخليها تنزل
وتوقف وتتعب فانزل انا زي اي غرض
تقول وديني انا اجيب لهم عشان ارضخ واروح اجيب
وكل هذا ماهمني اللي همني نفسيتي انعدمت
اثرت علي بشكل سلبي لي تقريبا اربع سنوات
جالسه افرغ نفسيتي بامي!!
يعني ذايم اعصب وانافخ عليها واصارخ اقسم بالله
بدون شعور كاني مسحوره واخر شي يانبني ضميري
وحتى الضرب اضرب نفسي اقول كيف سويت كذا
كيف عصبت ونافخت عليها عشان موضوع تافهه
ضغوطاتي من اهلي صايره تطلع كلها بامي
لانها للاسف هي السبب
اخر موقف اليوم
اختي نايمه لما صحت ٢روقت
جت بتتروش للدوام ماحصلت شامبو
واليوم كنا رايحين سوبر ماركت انا وامي
تقضي امي اغراض البيت
جت اختي سالتني قالت ماجبتو شامبو انا قايله لامي امس
جيت بزجر وعصبيه رديت عليها
لا ماجبنا شي ولا كتبتي بالقروب وانتي عارفه اننا طالعين
راحت لامي
تقول انها تبي شامبو امي ع بلاطه قالت
وانا اسمعهل قولي لفلانه تروح تجيب لك<معامليني سواق
قالت اختي منفسه
فلانه
جيت قلت لامي الحاجه لها تروح هي تجيب لها
تسوق ومعها رخصه ليش ماتجيب لنفسها ؟
قامت امي تتعذر لها ماتعرف ماتعودت بارده
جيت بعصبيه وتنفيس
قلت اجل بكرا اذا بتوظف بعيد او بتزوج
انتم وش بتسون انتم حتى سواق ماراح
يتحمل طلباتكم تخيلو كل هالكلام وامي صنم
ساكته تاركتني اطلع كل شي
واكمل عليها اقول ليش تقولين انا
اروح اجيب لها ليش ماقلتي لها هي تروح تجيب اغراضها
بنفسها انتم بس معتمدين علي انا موب فاضيه لكم
دايم وكلام كثير بعصبيه بدون ماحس
طلعت كل اللي بقلبي
لكن للاسف ندمت ندمت
اني كل مره كذا اطلع الحره بامي وهي ساكته مثل الصنم
وواضح تتضايق واحيانا تبكي خاصه لما اعصب
لكن ماتستوعب لا هي ولا بناتها كم مره اقول
لاتضغطون علي اعتمدو على انفسكم
امي من عيوني اخذمها لكن وش دخلني
بخواتي اروح اجيب لهم حتى سنتيان وبرايفت!!!!
وهم نايمات ولا عند مسلسلاتهم
ولو مايعرفون يسووقن قلت صح لكن كلهم معهم رخصه
ويركضون لو طلعه لصديقات او كوفي
لكن امي نقطه ضعفها وللاسف تربيتها غلط
تربية حريم اول اللي يرمون الحمل كله ع البنت البكر
يبونها تتحمل كل شي يعني مثلا خواتي يبون شي
من امي تصرفهم علي !! روحو لفلانه تسوي لكم
روحو لفلانه تغسل لكم روحو لفلانه تجيب لكم
روحو لفللانه تطبخ لكم لما صرت انفجر باوقات غلط
لما اقول لا موب فاضيه يجلسون يغثوني
وش عندك؟
متخرجه ونايمه فاضيه؟
ماعندك شي مثلنا وش وراك
ولا امي تجلس ترمي كلام لو ارفض
زي راصه نفسها ماتبي تسوي شي
او تغرر من خواتها او مامنك فايده او هذا كبرك
اوو تبداء نظام المقارنات بيني وبين قريباتي
تقارني بفلاته وعلانه وتقب هوشه وكل وحده
ترمي كلام اكبر وتكبر المشكله ونتهاوش
احيانا اضغط ع نفسي واسوي الشي لهم
لان مالي خلق زعل ومشاكل مع امي ومع خواتي
وتحطيم وكلام جارح وزعل وحركات رمي كلام من امي
انا مسالمه لابعد حد عشان كذا اتعب من الكلاك اللي يجرح
يعني اعرف العنهم واجرح خواتي لكن بعدها بكم ساعه
اندم واتحسف وهدي مشكلتي صايره الحين
مع امي صاير كل غضبي وعصبيتي يطلع عليها😭😭
واخر شي اندم😭😭
بنات امي مو مستوعبه الوضع امي اتوقع ماتبي اتزوج
ولا همها مستقبلي ولا عمري ولا اي شي بحياتي
عشان اجلس اخدمها واخذم بناتها لانهم من غيري
كانهم اطفال يضيعون يعني ماتفكر اني بعدين
بتزوج ماهمها بالعكس ماتبي اتزوج تحاول تكرهني بالزواج
كل همها اجلس اخلص مشاويرهم واجيب واسوي واحط كاني سواق !!