عصبيي مره مررة مرررة

كان هناك انسان عصبي جدا وحساس لأبسط موقف لا يستطيع التحكم في الغضب يصيح ويصرخ عند حدوث اي غلط ومستحيل يسامح احد لدرجة انه يعصب على نفسه ! دائما قبضة يده ممسوكه بقوة وعضلاته مشدوده وجاهز للمضاربه دائما , بسبب وبدون سبب ! حتى عند اشارة المرور يفتح نافذة السيارة ويطالع في الناس الواقفين اذا فيه احد مثلا شايف نفسه او يطالع فيه بنص عين عشان يتفاهم معاه على بال الأشاره تفتح ! وياويل احد (يسقط) عليه بالسيارة او يدق بوري او (يكبس) بالنور العالي على طول يجن جنونه ويطارد السيارة لآخر الدنيا حتى لو كان على حساب مشوار مهم ! اذا مشى في شارع ولقى الطريق مقفول يلعن ويسب ابو الشركات اللي خربت الشوارع واذا شاف عسكري واقف في الطريق لأي سبب ويقول للسيارات ممنوع الألتفاف لليمين ولازم الناس تتجه لليسار اجباري يولع نار وينزل من السيارة ويقول للعسكري والله لأمر لو ادخل السجن ! ويسوي زحمة في الطريق والناس واقفين (ياابن الحلال اطلع من الطريق الناس تبي تمر ) مستحيل والله ما اطلع واعلى ما في خيلك اركبه!! وفي العمل الله لا يوريكم كل يوم مشاكل مع المواطنين والزملاء , كل يوم عند المدير مشتكين عليه , واذا استدعاه المدير ما يروح يقول اذا تبغاني انا في مكتبي تعال ! وتنتهي بخناقه مع المدير ! طبعا في البيت احسن لكم ما تسألون ! يوم يشوت الباب , ويوم يرمي الولد (بالرموت كنترول) ومرة كسر التلفزيون عشان المنتخب دخل فيه هدف ! يطارد الأولاد في الحارة )(الملاعين) اللي نسمو الكفر ! ومع اقاربه خمسما ئة مشكله , متضارب مع عديله في آخر عزومة ومتمشكل مع عمه على الأرض!! وياويل احد يدق على جواله بالغلط يجلس يدق عليه شهر ويقول له (اذا انت رجال قابلني) في يوم من الأيام قابل جده قال له ياولدي سمعت انك زعول وعصبي وكل الناس تشتكي منك !! قال ايه صح غصبا عني ما اقدر اتحكم في اعصابي وش اسوي ! قال الجد بسيطه انا اساعدك ! كل ما تزعل احد أو تعمل مشكلة أو خناقه ابيك تاخذ مسمار وتروح تدقه في الشجرة اللي خلف بيتنا !!!عشان تتذكر انك زعلت احد ! استغرب خوينا من الموضوع وقال لجده وش دخل المسامير في السالفه !! قال الجد مالك شغل سوى اللي قلت لك عليه ! مرت الأيام صار خوينا كل ما تصير مشكله راح يدق مسمار في الشجرة حسب الأتفاق , كثرت المسامير وصار كل يوم والثاني وهو شايل كومة مسامير وقاعد يدق في الشجرة اللي امتلت مسامير لدرجة ان خوينا العصبي استغرب من كثرتها وبدى يحس بأحراج من ازدياد المسامير وصار يهدي اللعب شوي! كل ما يحس بعصبيه وعلى وشك يبهذل واحد يتذكر المسامير ويهدى ويقول لنفسه والله ما فيني حيل اليوم اروح ادقدق مسامير صاير مقاول انا على آخر عمرى ! المهم مع الوقت صارت زياراته للشجره تخف والمسامير اللي يدقها كل يوم اقل وصار يعدي يوم يومين ما يدق ولا مسمار ! وصار اسبوع واسبوعين ! راح لجده قال جد تصدق ما صرت ادق ولا مسمار صار لي الحين اكثر من شهرين !! هاه وش السوات الحين خلاص انتهينا ! قال جده لا!! ما بعد انتهينا الحين ابيك تشيل المسامير اللي دقيتها مسمار مسمار ! قال له كيف يعني ! قال الجد كل واحد ياوليدي زعلته ورحت تعتذر منه ابيك تشيل مسماره! قال وش يذكرني باللي زعلتهم وشلون اعرفهم واروح اراضيهم الموضوع صعب وبيطول !! قال الجد معليش مو شغلي , تسوي اللي قلت لك عليه !! صار خوينا يحاول يتذكر ويروح يعتذر من اللي زعلهم ويستسمح من الناس بقدر الأمكان عشان يخلص من المسامير اللي في الشجره ... ومرت سنه وهو يشيل من ها المسامير الين جا يوم وبقدرة قادر خلصت المسامير اللي بالشجرة وما بقى ولا مسمار !! ورجع لجده فرحان ويحس بلأنجاز !جد تعال ما بقى ولا مسمار شلتهم كلهم واعتذرت من الناس اللي زعلتهم كلهم !! جده قال من جد ما بقى ولا مسمار ! مستحيل ما اصدق ! تعال ورني ابي اشوف بنفسي , جلس الجد يطالع ثقوب كثيره ما تنعد في الشجرة من آثار المسامير ! قال لجده خلاص انتهينا كذا ! انا الحين هادىء جدا وما زعلت احد من سنه ! قال الجد : ممتاز وانجاز عظيم لكن ابيك تشيل الثقوب ! قال يا جد الثقوب ما تنشال !! قال وكذا قلوب الناس اللي جرحتها واهنتها وعذبتها مهما تعتذر منها , مهما تحسن اليها بعد الأساءة لا يمكن تشيل الأثر اللي يبقى في القلوب !
يمنع وضع روابط لمنتديات آخرى/منتدى عالم حواء