عضيت أصابعي ندددددم لكن الخيرة خفيه

السلام عليكم حبيباتي
احبكن في الله ولي مده ادخل المنتدى وأول مره ادخل للمشاركة وطرح مشكلتي ..وللاستفادة من استشاراتكم
لكن بعطيكم نبذه عني وعن زوجي
هو محترم معي وخلوق طيب وحنون مايدخن ولا يمد أيده علاقته بأهله رسميه بيته الثاني مااعرفه ابد
سفرياته شغل شغل
لكن سلبياته يتهاون بالصلاة واذا امرته قال ايش دخلك فشلت وصرت اسكت لا حان وقت الصلاة بلغته وبس
لازعل يششششيل مرررره ويهجرني
احيانا اقول بخيل وأحيان اقول لا يدخر بيأمن بيت
هالك نفسه بالشغل وقللللليل يجلس معي
انا شكلي مملوح طيبه وحنونه وخدومه راعية بيت ع قولهم بشهادة الكل طبخ ونظافة وعلى نياتي مالي دخل الا فبيتي وبس
مساااالمه لأبعد درجه وعمري مازعلت ع طول ارضى
لكن عيبي حساسه وعصبببببيه لا زعلت اخبص الأمور واغلط بالكلام ولا أوصل اللي فبالي له ودايم يفهمني خطأ من أسلوبي ومتردده باتخاذ اي قرار
انا سبق وتطلق ومعي طفل في حضانتي
تقدم لي أشكال وألوان اللي مطلق كم مره ومعه واللي معدد واللي يبغى مسيار
بعد سنتين تقدم لي شخص محترم وخلوق اكبر مني 15سنه
لكنه متزوج وعنده ولد وبنت بالغين وبعده مارزقه ربي غيرهم وانه حاول أطفال انانيب وعالج بالخارج فوق عشر سنوات ماكتب الله يعني سببه يبغى ذرية استخرت وسبحان الله كتبه الله لي وتيسرت الأمور بسرعه وشرطت عليه ولدي وبيت مستقل ووافق
بداية زواجي كان طيب وحنون معي ومع ولدي وأول سنه طاير فيني ع قولتهم وزوجته الاولى زعلت وراضاه لكن استغنت عنه
بس اللهم بيت ومصروف ماشي ،
لكن يوم حملت ومع الأيام صارت بيننا مشاكل ومن ضمنها ولدي خليته عند اهلي شهور لحد ماتستقر الأمور ورزقني ربي بمولود
لكن ع باله استغنيت عن ولدي وصار مايبغاه يجي عندي ابد
واذا جبته طلع وخلى البيت لي
مع انه شرطي الوحيد انا تضايقت صراحه وأقول اللي هذا أوله ينعاف اخره
والآن حامل
واهلي يقولوا بتهدمي بيتك ماتغصبي ولد الناس فكري بعقلك وأحمدي ربك انه ولد وخليه عندنا واذا كبر يبغى يجلس عندنا ولا يروح لأبوه اللي يريحه
لكن انا مو مرتاحة ودي احتويه وأحن عليه الكل يزفه والكل يأمره ودايم يبكي ونفسيته تعبانه
واذا جاء عندي مثل مايبغاني ويبكي ويفضل امي علي
واذا راح عند ابوه نفس الحكايه يبكي يبغى اهلي لأنه ربى بينهم من كبر وعرف الدنيا وحنا عند اهلي وكأنه اخوي موب ولدي ويناديني باسمي
مع العشره اكتشفت بزوجي اشياء كثيره وطلع وجهه الحقيقي
البيت اول نجيب لوازمه سوا اللحين اترجاه نطلع يقول اللي تبغي ارسلي لي واجيبه
يدعي الكرم وهو لو اطلب مصروف ولا شي يخصني سين وجيم يرفع ضغطي مايلبي لي
شي لنفسه للبيت مستشفى يعني شي ضروري ماعنده مشكله اما الثانويات مايعترف فيها
كان يقول زوجتي انطوائيه ماتختلط بالناس ولا تسافر معي
ويوم عرفته عرفت ان الرفض منه
مايبغاني اختلط بأحد ابد الا اهلي وبمزاجه واجتماعات أقاربي ينشف دمي يالله يالله اروح ولو اطلب شي اخذه معي مايشتري لي ابد
السفر من زواجي يمكن عشرين مره يسافر شغل طبعا
يفضّل أصدقاة اترجاه اروح أغير جو معطيني اشكل
البيت اغلب الوقت وحدي واذا موجود يانايم ياتعبان اذا فيه حيل طلعه يفضّل اصحابه بعد
وانا بهالبيت حامت كبدي
بنفجر من الوحده
دايم يواعدني بطلعه بسفره ولا سوق ويسحب علي
واذا زعلت عند اهلي ينجن ويقول يضيق صدري وراسي يوقف ومالي خلق اطلع وادخل ومايرتاح لحد مايرجعني بكلام ووعود لكن مااشوف فعل
يقول ماارتاح الا عندك انتي حنونه وطيبه وخدومه ماشفت مثلك ماشاء الله
وماعرف قيمتك الا اذا غبتي عني


انا الصراحهعضيت أصابعي ندم مو لأنه سيئ لا
لكن ندمت اني تزوجت وولدي صغير وقبلت اني أكون زوجه ثانيه
زواجي صار خيره لزوجته تسافر تروح تجي بدون حساب الا انا مسوي علي كبت والطلعه بالحسره علي .