عطوني أفكاركم

شوفي احد قريب منهم وتثقين انه يوصلهم المساعدة ونبهي عليهم انهم ما يقولون انه منك مثلا امهم ولا قريبة لهم

ربنا يوفقك لعمل الخير وياجرك

مشكوره أختي حكايه للأسف ماأعرف رقم حسابهم ..
الحلم الوردي .. ماقصرتي بس المشكله إني ماأعرف أحد ممكن يخدمني بهالشي..

هذي كم فكرة بأطرحها يمكن تكون غريبة بس إن شاء الله تفيد:
-تحطين مبلغ بظرف وتقولين لهم إنك اشتركتي بمسابقة في إحدى المجلات بعدة أسماء وحطيتي اسمهم من ضمنها واسمك مافاز واللي فاز اسمهم وكانت الجائزة عبارة عن مبلغ مالي ومن باب الأمانة حبيتي تتقاسمين معاهم الجائزة وإن اللي بالظرف طلع نصيبهم!
أو ممكن تكتبينها برسالة والتوقيع فاعل خير ومابيعرفون إنها منك..
أو لو كان عائلهم متوفي ترسلين المبلغ مع شخص يحاول يفهمهم إن هذا مبلغ تم استدانته من أبوهم أو عائلهم المتوفي من وقت طويل والحين هو جاي يسدد لهم إياه..
الله يجزاك خير ويكتب لك الأجر

استغلي فترة رمضان والعيد أو النجاح أو أي مناسبة وأهديهم فيها هدية وحطي معها ظرف فيه الفلوس

أو وزعي على الأطفال عيديات وأمهم بتاخذها منهم وتصرف عليهم

اختي رمااح الف شكر لك على هالافكار بس المشكله ان انا علاقتي معهم من بعيد لبعيد فمااتوقع تصلح فكره المسابقه وعائلهم موجود الحمد لله بس حالتهم الماديه شوي ضعيفه...
حبيتي (لميس ولجين ) من ناحيه الظرف سهله بس انا ماابي احرجهم وزي ماقلت مالي علاقه فيهم لدرجه اني اجيب لهم هدايا وعيديات.. طيب بغيت اسالكم اذا انا حطيت المبلغ بظرف وحطيته من تحت الباب تتوقعون هذي طريقه زينه بس المشكله انا خايفه ان الظرف مايوصل يعني يكونون مسافرين او يطيح بيد اي احد عامل او خدامه او من اطفالهم...