عطوني ارائكم وحلولكم لاظافري؟؟

هذا دليل على القلق..

شكرا" لك يا ام سعوووود بس خوفتين انا ابي حل اترك الحركة هادي..

وين الباقين لا تبخلون علي الله يعافيكم...

السلام عليكم نصيحتي روحي الصيدلية اخذي دوا تحطينة على الاظافر طعمة مر اذا ما فاد روحي ركبي لج اظافر صناعية لين ماتنسين العادة هذي بصراحة اختي نست اكل الاظافر بهالطريقة والحين اظافرها تجنن ماشاءالله
تحياتي من البحرين

الف شكر لك يا بحرينية الله يجزاك الجنة ان شاء الله راح اجرب طريقتك والله يوفقك...

ههههههههههه اختى مثلك حتى رجولها بعد كل ما اشوفها ارحمها شكلها يجنن بس اظافر يدينها تروع وحده شافتها في المشغل تقول عسا ماشر وش فيها اظافرك انا سمعت عن ذا المرض الله يشفيك على بالها انه مرض من كثر ماهو مشوووه تدرين حلك عندي انتي مو بزر عودي نفسك على الاراده وصديقني راح تقدرين والله والله لو سمعتي اشررررطة الشيخ الدكتور سليمان بن على العلي ايقظ العملاق واطلقه واشرطة العظيم الجليل الدكتور طارق السويدان منها كيف تغير نفسك ينفع لك اتوقع الا اكيد راح يفيدك وبعد له النجاح في الحياه اختي بليز لا تطنشين كلامي لانه مهم وصديقني الحل انك تسمعين اشرطه ترفع عندك الاراده لان انتي واختي بجد الاراده عندكم صفر وبعدين حلو الاشرطه اللي زي كذا تنمي الذات كثير والاخت البحرنيه اللي تقول اظافر صناعيه طيب والصلاه ترها تمنع الوضوء اول شى احرصي تسمعين من الاشرطه اللي ذكرت ايقظ العملاق واطلقه اهم شى واللله اني متحمسه معك لانك زي اختي بس اختى ما تسمع كلامي لاني اختها فما تعطي كلامي اهتمام اتمنى انك تدعي لي بصحبة الرسول في الجنه اذا نفع معاك بليزززززززززززز لا تنسين وزوج صالح يسعدني دنيا واخره بالتوفيق اختى والله واللله والله ورب الكعبه اللي فيك نفسي مرض نفسي وترا المرض النفسي مو عيب وحله لازم يكون نفسي وانتي لازم تقنعين نفسك انك تقدرين واذا قلتي في نفسك ما اقدر مستحيل وربي راح تظلين طول عمرك على ذا الحال زي المسكينه ان الله لا يغير ما بقوم حتى يغيرو ما بانفسهم هذا كلام الله مو كلامي الحل عندك وسهل ليه تتعبين نفسك والحل موجود وما انصحك باي حل ثاني غير هذا لانه نفسي وما يعالجه الا سبب نفسي اتمنى انك فاهمه قصدي اول ما تقرين كلامي ابي ردك لا تنسين وتعليقك على رايي ابي اتطمن عليك مع السلامه