عطوني افكار من غير تكلفة مادية الله يسعدكم

شوفي ي قلبي اتمنى بافكاري افيدك وافيد اي وحده تدخل المنتدى
بس الله الله ياللي تستفيدون من افكاره..الله الله بالدعاوي الزينه بتعب عشانكم واكتب لكم
اهم دعوه ربي ينور قلبي بالايمان ويحفظ لي والديني واولادي ويسخر لي ابو شباب تعبنا نركض ورا الرجال😀😀😀
اول شي بما انها اول سنه زواج فلبسك خليه اول لبس لبستيه بليلة زواجكم...يعني لبس الدخله ...او البسي فستان ابيض وبعد شوية استعراض وجلسه حلوه حط لانجري بالحمام وروحي اللبسيه واطلعي بلوك ثاني ودلع وتغنج
وعاد حطي ميك اب وضبطي شعرك بس لا تكثري مكياج لان الرجال م يحبونه وبدون الوان وخرابيط زايده
اما الافكار بسرد اللي يجي ببالي ويارب تناسبك طبعا بقلك اشياء اضمن تكون موجوده ببيتك
اول شي بالاوراق وياكثرها بالاوراق
1-قصصي اوراق ع شكل قلوب وسط ولونيها باي شي لو كان ظل 😁😁وبكل ورقه اكتبي عباره جميله او كلمه ولزقيها حوالين السرير
2-قصي اوراق ع شكل بوساتك يعني حطي روج وبوسي الورق ثم قصي ع حد البوسه وانثريها بشكل مرتب ع طريق خطواتها وبينها يكون شموع بس بعيده شوي وياليت يكون الورق شوي متين او ثقيل عشان لا يطير ع الشموع او اذا تخافين حطي لزق تحت كل بوسه وثبتيها
3-خذي اوراق وقصيها مربعات واكتبي بكل مربع حكم وهذي لعبه مرا حلوا وقفلي الاوراق وحطيها بصندوق حلو او اي شي زبديه صحن كشخه مو مشكله ....وحطي احكام منوعه انتي تحبيها وعاد ولك او عليك
يعني....اكتبي تحملني وتتمشى فيني بالغرفه...وغشي بالورقه وحطي عليها اماريه برا عشان لا تاخذينها وهو اللي ياخذها ويحملك😁😁😁😁😁😁😁😁😁😁
او بوسات ع طلبك وانتي تخيري وين يبوسك ..او مساج بسيط لمدة دقيقتين ....او رقصه حلوه ....يعني انتي حطي احكام مثيره شوي
واللي م بس تبغينه هو يسويه زي م قلت سوي اماريه بالورقه😊
هذي افكار بالاوراق بسيطه ومتوفره
تقدري تسوي له تقرير عن المساج وانك تعرضي عليه جلسة مساج مجانيه ولكن يلتزم بالشروط التاليه...واكتبي شروط معينه بالمساج...وبعدين التوقيع و اوافق او غير موافق اكيد بيحط موافق ..تكوني لابسه بنطلون وجاكيت رسمي او اللي يتيسر بس افضل زي رسمي ومجهزه فراش بغرفه ثانيه و كريمات ومناشف ثم جهزي الحمام بشموع والشامبوو وعبي البانيو مويه ورغوه و انثري عليها ورد او اذا عندك قماش احمر او ورق لونه احمر قصيه ع شكل قلوب صغيييره وانثريها ع الرغوه وضبطي الغرفه كمان
اذا عندك ليزر او اضاءت صغيره استغني عن الشموع نهائيا او العكس اذا حطيتي شموع لا تحطي اضاءت ....
الشموع كوني فنانه بترتيبها يعني تقدري بس تحطيها بزاويه الغرفه فقط ...او علقيها ع الجدار بطريقه مرتبه يعني تصير الزاويه من اعلى الى اسفل شموع بس لها كذا طريقه بتعليق وشوي صعبين بس الحاجه ام الاختراع
سوي شكل قلب ع السرير بالورد الطبيعي واذا م عندك حطي مجفف و اكتبي ورقه فيها كلام حلو وحطي القلم جنبها عشان هو بعد يكتب ذكريات راس السنه .....قولي انك اجمل هديه له ومافيه اغلا من نفسك لتهدينه اياها بس امانه تحافظ ع الهديه وتهتم فيها قد م تقدر ....الخ كلام جميل وتصريفه عن الهديه😂😂
عاد هذي ابسط م عندي
الاكل سوي عصير و كيكه مرتبه وسنعه وغلفيها كريمه واكتبي عليها اي شي
والعشاء يكون اشياء خفيفه او صواني الي يتوفر عندك بس غيري عن عشاكم المعتاد
والله بالبخور والريحه الطيبه
والله يسعدكم ويخليكم ويسخركم لبعض يارب
دعواتك ...بيصحون عيالي وانا م نمت فوق المنتدى😀