عطوني حل انا بتطلق

مساء الخير حواءات
بالمختصر انا قبل زمان كتبت مشاكلي مع زوجي قبلما يصير اي شي
اللي صاير انو زوجي ايده طويلة و يضربني ضرب مبرح بدون احترام لذاتي مجرد اني كنت مزعوجة من تصرف عمله و خبطت على الطاولة بدون اي سب او بهدلة بدا بالكلام المستفز و انتهى بضرب المبرح امام اطفالي
مابخفي عليكم هالمشهد تكرر مليون مرة يضربني ويازيني امام اطفالي عندي طفل اربع سنين وبنت ١٠ سنين و كل مرة يضربني فيها يا كسر انف يا عيني تزرق او جسمي يعلم زراق لانه صربني بحزام بنطلون
باختصار مافي احترام مايحترمني للاسف صرلي معه ١١ سنه ماكان يغير هالاسلوب و دايما بيحط اللوم عليي اني طولت لساني وانا يشهد ربي عليي مابسب او ببهدل او بهينن مجرد بكون منفعلة من موقف يقوم فورا يستخدم الصرب
كان بيني وبينه مشاكل كتسر ومحاكم و مرتين رفعت عليه دعوى و رجعتله مع ان اللقمة توصل للتم ارجعلة لانو اقول ما ابى يعمل شي مغصوب و للاسف ما يتغير و نفس الطبع وبالعكس كلما الجفا يزيد و حقدو عليي يزيد
و مرة رجعتله قبل موعد المحكمة كان ممكن يتسجن لان ما سدد ولا نفذ اوامر المحكمة فرجعتله من خوفب عليه يتبهدل قام جازاني انو باع دهبي بقيمة ١٢ الف درهم و راح دفع للمحامي اللي وكله ضدي و يقولي لان انتي كنتي السبب و سكتت و ما تكلمت رغم انه من حقي
تخيلو ما سمعت منو كلمة حبيبتي او بحبك او حتى ولا مرة ضمني لصدره او قلي شتقتلك او ما استغني عنك رغم اني اقسم بالله حاولت كتير معه بكلام الحب و اساله كتير بتحبني ما يجاوب و يقلي من افعالك
والله العظيم بيتي بضيف ولادي حاملة مسؤليتهم للاخر و ما عاجبه شي انا بنت لسا عمري ٣١ سنة و حلوة كتير كل حد يشةفني يقلي ملكة جمال و احلا اخواني الا هو ولا مرة شعرت بتقربه ناحيتي
دايما يا يكون نايم يا ناكل بدون ما نتحاور ابدا او ينام و يصحى يقعد على زاوية ة يكلم واتساب لوجه الصبح ممكن احيانا ما ينام يضل عالموبايل للصبح ويروح شغله مو نايم .
و انا ما يهمني منو لان قلة محبته لي جعلت مشاعري ناحيته تخف جدا
و مشكلة تانية فبه ان يدخل امه بمشاكلي و يتركها تبهدلني و تسمعني كلام اكرهه بعز مشاكلنا
ما برغبه كزوج ابدا ابدا من سوء معاملته او مابعرف ليش و بخاف الله يحاسبني على هالشغلة
هي سيئاته ولسا في سيئات اكتر بس بالمخنصر حكيت سيئاته
اما حسناته انو تزوجني و ستحملني اول زواجي لاني ماكنت احبه لكن كان علر علم اني ما حبيته و ماكنت ارغبه و قبل يكمل معي ويتزوجني و صبر عليي كتي رغم اني ما حبيته ابدا
و ما قدرت اعتبره زوج و صبر عليي فترات منيحة لكن ما اقدر دايما اقرف منه و ما احب يقرب عليي ابدا و هي ماكانت مشكلتي انا صارحته قبلما نتزوج لما كنا مخطوبين و ضل مستمر على امل اني حبو
و ساءت علاقتنا كتير و صار بينا محاكم بسبب مد ايده و ضربه وقساوته عليي امام اهله كان يضربني وما يهتم


الحسنة التانية يلي اله انو بيجيب اكل للبيت وما ينقص اكل لبيته مع ان هاد واجبه
و فتحلي بيت لوحدي جنب بيت اهلة بالزبط رغم انو ما بيحبني بس كان يضحي مشان الاولاد يضلو بينا متناسي اني انا وهو ما رغبانين بعض و للاسف اخر مشكلة صارت فقدت عقلب كثر ما ضربني و سببلي ضرر الجسماني والنفسي .
انا حاسة اني مترددة من قضية الطلاق يلي رفعتها من اسبوعين مع اني ستخرت رب العاامين وكل الناس حواليي مقتنعين انه انسان ما بينعاش معه
اما انا صعبان عليي ١١ سنه مرات بحس اني بحلم مو بالواقع انا وهو هالمرة متفقين ع الطلاق و هو مابدو ياني مع اني اقسم بالله العظيم حاولت اد ما بقدؤ اني ارضيه بس كان يخرب كل شي بضربه و اهانتي امام اهله مرات ضربه يكسرلي انفي يسببلي نزيف او يعلم زراق ع جسمي بالاسابيع
انتو نصحوني يا صبايا اعتبروني اختكن انا طولت بالكتابة بس من قلب محروق و نفسيتي تعيانه خايفة من الطلاق مع ان كل شي لصالحي لان كان كاتب تعهد بالشؤطة ما يضربني ورجع ضربني تالت ورابع وخامس
انصحوني ولا تتركوني بالله عليكم اعتبروني اختكن الضايعه المكسورة الجناح