عطوني من خبرتكم وربي تعبت خلاص

صباح الخير للجميع ..
ي بنات تعبت وربي من زوجي ادري تأخرت بالحكي بعد ثلاث اطفال جاية تشكين ؟ لكن مدري وش اسوي طفح الكيل وربي انا زوجي شخص طيب وكريم وحنون ويصلي لكن انا وياه مستحيل نتفاهم وصلت لطريق مسدود معه خلاص يجي الراتب واقول بسوي ف بيتي واحط لكن يرفض ونص راتبه يروح على لعب وخرابيط وي ليت على امه واهله لا والله على الشلة الفاسدة اللي معه لدرجة يقضي لهم من نفسة مونه شهر وهم متعودين كل شي بالقطه ويفكر ياثث لهم استراحتهم وانا لي سنه اترجى فيه يكمل لي بيتي ويسوي اللمبات العطلانه ويرفض لدرجة خلاص تعبت وبكيت وانهرت وزعلت كم مره منه والله حتى مايجي اخر الشهر الا يجلس يتسلف ويشحد من فلان وفلان وراتبه يسد كل احتياجاتنا لكن لاحياة لمن تنادي جات فتره ومسكت انا مصاريف البيت والحمدلله اعتدل معاي والله صرنا نجمع ونطلع مع اولادنا ونصرف بالمعقول وماينقص علينا قاصر وصار يتسلف من وراي ويلعب لين وصل للديون على خرابيط وعلى الفاضي اضطريت ادخل جمعيه من راتبه وسددتها كلها وقلت بنفتح صفحة جديدة اعتدل فتره وبعدها صار مايحول لي باقي الراتب ومصاريف البيت ورجعت حليمة لعادتها القديمه وحلفت ماعاد اتدخل ولا همني شي تعبت خلاص طفح الكيل وكل مافتحت الموضوع قال احمدي ربك لدرجة والله ماروح ولا اجي وحابسني ف البيت وهو يترفهه مع خوياه اللي بس مصلحة معاه وربي حتى اني ادعي له وودي كل عطله نتمشي ونصرف بالمعقول واكمل بيتي واسافر مثل الناس وندخر ل ايامنا الجايه لكن عيال ابليس لاعبين فيه تعبت وربي مليت وتعبت 💔💔💔💔💔 جيته بالطيب مانفع جيته بالزعل مانفع والحين مااكلمه ولا طايقه اني حتى اسمع كلمه منه خلاص سنين متحمله بحجة ظروفه اللي مالها سنع