عطوها رايكم بحكايتها مع زوجة عمها بكل صراحه

عطوني رايكم بها الموقف صاحبتي كلمت بيت عمها وهي ساكنه بالشمال وهم بالجنوب وقالت بجيكم وتبي غرض عندهم وهي لها4سنوات مادخلت بيتهم وجلست تلبس وتلبس عيالها بالاضافه لطول المشوار وبعد ماوصلت عندهم جلسوها في الملحق اللي ساكنه فيه الشغاله وهذا الملحق هو المجلس اللي يقلطون فيه كل الحريم من قرايب عمها يعني هي وخواتها وعماتها مالهم الا ها الملحق وجوا البيت مايدخل الا اهل زوجة عمها او الضيوف الغرب المهم ماجابو شاهي ولاقهوه ولاعصير ولا حتى مويه ونادت زوجة عمها بنتها ولبستها سويتر قديم عندهم حق بنتها يوم انها صغيره وبنات عمها ماطلع منهم ولا وحده وضاق صدرها وتضايقت واللي زاد يوم انهم يلبسون بنتها السويتر تقول الجو ماهو بارد ولبس بنتي حلو بس هي لازم من حركاتها زوجة ها العم لازم تبين قدامه ان قريباتك ماش يارفلات ياغبيات يا اي شي لازم تمثل قدامه انها هي العاقله السنعه الذربه تقول لاني اعرف تفكيرها وعقليتها تضايقت عطوها عاد انتم رايكم ووش تتصرف بعدها هل تزورهم هل تقاطعهم كيف تتعامل معهم