عقب .............. بنروح ................. (( إن شاء الله خيره))

السلام عليكم ورحمة الله وبركاته

صراحه انا ما ازور هالقسم واجد بس خبركم بدأ الصيف
(( اااه ياقلبي تذكرت))
تخيلوا كنا موعودين بسفره لماليزيا ؟؟؟؟؟؟؟؟؟
((( ااااه ياماليزيا )))
ولـــــــــــــــــكن
صدر مرسوم ملكي من طويل العمر ..زوجي العزيز
بإالغاء ماليزيا
ويعنني براضينا قال بنروح ابها وعسير
((( يقول الجو مثل ماليزيا وازين)))
ندري حنا انه ازين بس كان ودنى يختم على جوازنا شعار دوله غير خليجيه شبعنا من الامارات وصلاله والطايف



المهم ما لكم بكثرة الهرج <<< كل هذا وما هذرتي
ابي من اللي زاروا ابها وعسير او من اهلها
أبي اجمل المناطق والمنتزهات
والفنادق اللي تسوى
سمعت ان فيه منتزهات نقدر نقيم فيها يعني 2في1 (( شامبوا مو منتزه))
هههههههههههههه

لا تقولون دوري بقوقل دورت مالقيت اللي ابيه
على قولتهم
((اسأل مجرب ولا تسأل طبيب ))
يالله يامجربات أمطروني بما لديكم ولا تبخلون باصغر التفاصيل
(( ابي هالسفره تطلع خياليه ... ابرك من ماليزيا )) <<< مرغم أخاك لا بطل
وانا متأكده ان فيه فراشات كثير بيستفيدون لأن صراحه هالمناطق صارت من اولى خيارات سفرات الصيف
ولكم مني جزيل الشكر مقدما