أخواتي قبل سنه تقريباً وجد زوجي في مثل هذه الفتره من الشهر ( شعبان ) وبعد صلاة الظهر عقدة عند مدخل باب البيت ( باب المستأجر الي بيطلع لنا ) هذه العقده عباره عن كيس نا يلون مصفوط بشكل منظم الى أن صار صغير و ملفوف بمطاط كذا لفه المهم أبو :arb: جابه لي وقال لي فكيه وقرأي عليه يمكن محطوط لجيراننا المهم قرأة عليه وتحصنت وفكيته لقيت يابنات أشياء ما تستدعي أن أحد يلف عليها كل هالف !! لقيت قشور جلد صلبه كانها يقايا قشور جرح ( تعرفون الجرح اذا صار كبير وجاء بعد فتره يصير له قشور حوله هي كذا ) بعدين رميته في الزباله .
سبحان الله . بعد رمضان من نفس السنه وأنا نازله من السياره قدر الله أني أفتح باب السياره الى أخر شي كأن الله يبغاني أشوف نفس العقده الي فكيتها ( والله يا بنات أنها نفس العقده السابقه ) المهم قلت لزوجي قال خذيها وفكيها أخذتها وأنا متقرفه منها وحطيتها على مغاسل الرجال حقت عماني أهل زوجي وطلعت فوق ونسيت يوم ذكرت نزلت و أدورها قالت الخادمه أني ما شفتها .
بعد فتره دقت على زوجي طليقته تكلمه بخصوص ولده منها . و قالت له بأنها رأت رؤيا و فسرها الشيخ بأن زوجك مسحور مرتين مره في الشراب و فكوه قبل رمضان ( فعلا يوم فكيت العقده الاولى كانت في شعبان ) و السحر الثاني ما فكوه عليه بالاذكار و السحر الثاني في ملابسه في غرفته .
المشكله أني ما ألاحظ على زوجي علامات سحر إلا في شي واحد أنه قبل زواجه الثاني كأن يقول برجع الاولى فيوم يحدد الوقت واليوم ينتكس . غير الوسوسه المفرطه في الوضوء و الصلاة . وانا تصدقون ما أحمل الا بصعوبه .وفي الفتره الاخيره صرت اذا قمت من النوم أشوف خطوط لونها أسود على الجدار وبعدين تروح رحت وكشفت قالوا جفاف في العين . بس الحمد لله .
فهل صحيح يابنات أنه على قولها سحر مع أني أنظف غرفة النوم حقتي ( حقتها سابقا :44: ) حتى ظهر الدواليب من الغبار و بالمكنسه الكهربائيه . و أنا أصلا ما أحب أشتغل في بيتي إلا على اذاعة القران الكريم ( من وأنا عند أهلي عادتي ) :(
وغريبه الرؤيا ان صدقت
والاغرب العملين اللي شفتيهم معقول احد قاصدزوجك بالسحر
طيب كيف علاقتك باهله