علموني أرجوكم شو الي يصير لأختي لاني صرت اخاف منها

مساء الخير حوائيات شو الاخبار والله من زمان والحمدلله مافي مشاكل ولكن اليوم صدمتني اختي صدمه كبيره والله وصرت اخاف من نفسي بسبب اختي ومن امي ومن اختي ع نفسها..
يابنات اختي كانت احسن وحده قبل الزواج وهادئه وطيبه بس لما تزوجت تغيرت١٨٠ درجه صارت عصبييييه وتريد تمد ايدها علي وايضاً تعصب ع امي واخوي.. واليوم من كثر ما عصبت راحت تشل سكين وتقول بقتل نفسي😱يالله اني خفت ورحت امسكها وهي تقول خلوني وخلوني انا تعبت مقدر لامرتاحه معكم ولا مع زوجي واهله..
حن اكتشفنا من فتره انه زوجها عصبي بشكل وشكاك جدا جدا وهي بعد من كثر ما هو يشك فيها صارت هي بعد تشك فيه.. ومن جهه اخته شيطانه كبيره تحرض اخوها..
انا بصراحه اكتشفت طبع اخته لما ملكو اختي.. وما ارتحت لأخته والحين احيد اختي تعاني منها ياربي حسبي الله عليهم بنات ادعو لأختي انه يفرج همها ويفكها من شر اخته ويخفف عليها غضب زوجها...
نفس الشي زوجها عصبي والله لما يكلمها مرات بالتلفون اسمع صوته عالي ويصرخ.. اختي صارت اخاف منه ولازم تستأذن منه ع كل كل شي.. واحسه انه يهددها وهي مسكينه ما تتكلم وأحس انه يضربها..
لكن هي لما زوجها طيب معها تحبه ويصير شخص ثاني بس لما يعصب تقول ما تطيقه.. علما بان مشاكلهم يوميا ويمكن ٢ فالاسبوع يعيشو بسلام بدون مشاكل..
وعلما بان اخته لها دخل فالموضوع لانها لما تجي بيت اَهلها تريد ترمي عيالها لأختي وهي تريد تتمشي برع وتطلع عند صديقاتها.. يعني تريد تحط اختي كأنها مربيه لعيالها الله يهديها وحسبي الله عليها..
اختي كانت تساعدها بس شافتها زودتها واختي تداوم وتجي من الدوام منهد حيلها ولما اخت زوجها موجوده تدز عيالها لأختي لما تجي تعبانه من الدوام..
نفس الشي الليل لما تريد تنام اخت زوجها تدز عيالها.. وأحيانا تعطي اخوها طفلها الرضيع عشان يجلس معهم فالغرفه..
اما مشاكل اختي وزوجها ما تخلص بنات هل فيهم عين او حسد او سحر او شو؟!!
اختي كملت سنه ع هالحال وماجابت عيال منه.. ولما تفحص فحوصاتها الحمدلله طيبه وهو مايريد يفحص..
كأسره خاطري اختي تقول بطلع شقه وما اريد أعيش لا معه ولا مع اهلي.. لانها هي تلوم امي وتقول انتي السبب خليتيني اتزوج مع انه امي كانت خايفه عليها تعنس..
شو الحل بنات..