.
للمتشائمين
للي عايشين على الحزن والتشكي
للي دمعتهم قريبة ( ضعف ) !
تلويهم المواقف بسرعة!
لكل شخص عانى من الظلم والقهر وانجرح !
لكل شخص فقد غاليه
وتغيروا عليه الاصحاب !
لكل شخص مات داخله الأمل
وكثرت أوجاعه
نصيحتي ، اضحك مهما عانيت !
تناسى همك ..
تخيل ان هالمشاعر السلبية
حولك
تعيش فيك وتقتلك !
تحرمك من متعة الحياة
وفوق هذا تموت بشويش
وانت ماتدري!
ايه ارسم اهدافك ، وتمنى
وتفاءل ان الخير جاي من ربك
طالما احسنت ظنك بالله ، بيرضيك !
بيتكفل بشفاءك...
ويطبطب على قلبك الحزين
ويهون عليك مصيبتك...
بكل احوالك خلك قريب ، كثير الدعوات
مزحوم بالأمل
برمج ( كلك ) على الإيجابية ، على
الضحكات ، على القوة مهما قست
قلوب حبايبك !
وهجروك!
طالما ربي معك فتأكد ان الحياة
بكبرها بتجيك طوع
تتحقق أحلامك ويبدل أحزانك فرح !
الأمر محتاج شوية صبر !
محتاج حكمتك !
تأدب مع الله حتى في حزنك
لاتكرر الكلمات السلبية ، لاتستسلم ابدًا
لاتقول مااقدر !
لاتقول تعبان وحظي شين !
وانا حزين وفيني وفيني !
فينا القوي الي يتجاوز مشاكله
وبنفس الوقت يمكن تمر عليه أيام ويضعف !
لكن ما يكون أسير لها!
تذكر!
كلنا معرضين لهالأمر .. تطمن !
لكن الشاطر الي مايرضى ينصاع
للحزن كثير !
بالعكس يطلع من هالتجربة اكثر قوة !
يتعلم من التجارب ، يستفيد من
الحلو الي فيها !
بتقول وش الحلو بالمصيبة ؟!
صبرك بحد ذاته يكسبك اجر
والأجر يمسح سيئاتك !
متخيل شكلك بدون سيئات ، طاهر ؟!
صحيفتك مليانه حسنات !
قلبك مطمئن !
على وجهك ابتسامة!
اي مشكلة بعدها بتعرف تحلها ،
تطلع منها بأقل الخسائر النفسية!
زدت قوة ، وزادت معرفتك بالحياة والناس!
صنت مشاعرك وعرفت من تعطيها !
ومن تثق فيه
مو المسلم ( لايلدغ من جحر مرتين )؟!
اذن انت استفدت من مشكلاتك ،
من مصيبتك !
يمكن تكون خيانة !
يمكن حبيبك تغير عليك
يمكن انجرحت من قريب !
انظلمت من صديق !
طيب وخير ؟!
تعلم تكون مكتفي !
وعادي لو كثرت سكاكينك !
كل مرة ارمِ همك وراك ، وكمل طريقك
هذي طريقة الناجح في الحياة!
كن مثله
ثابت
وعزومك قوية
ومايكسرك شي !
ضعفك خله بين يدين ربك بس
والله الله على اللذة الي بتحس فيها لحظتها!
تدعي وتبي العون منه!
توقع بيخذلك ربك وانت بهالحاله؟!
لاوالله الا بيرفع عنك كل كل كل الاوجاع
والله مايرحمك احد كثره !
لاتبكي!
وتضيع عمرك على شي راح !
او شي ضاع منك!
قل الحياة حياتي ، وببسط نفسي
لأني أحبها ، وتهمني راحتي في المقام الأول
خلك على مبدأ أناغني عن الناس
اذا ماكان فيهم الا محبطين !
ينتظرون اطيح !
يفرحهم بكاي!
أنا بخير طالما ربي
معي ويسمع شكواي!
وسعيد لأني قنوع
راضي بأقداري
الناجح هو الوحيد الي يعرف
يتكيف على ظروف الحياة!
كبير بصبره !
أنيق حتى في حزنه !
ل : هند العتيبي
( ماأحلل النقل )
كلماتك بلسم ع الجرح روعة وفقتي في الطرح