على وجه ولاده وشغالتي مضربه

مرحبا بنات


يااخواتي انا بهم مايعلم فيه الا الله على وشك ولاده يارب تهون علي

عندي شغاله اثيوبيه اخذتها تنازل ماكملت عندي شهر واخذتها لاني بولد بكرا قيصري الله يفرج علي الفتره الي راحت ماشيه معي زين وشغلها ممتاز ولها سنه مشتغله عند كفيلتها

وعندي ولد صغير سنتين وببيت اهلي
المهم الشغاله من رحت للمستشفى لي يومين متنومه وهي مضربه عن الشغل وتصيح وتقول تعبانه او رجعوني بيت كفيلتها وبس جالسه بفراشها

وش اسوي فيها وكيف اتعامل معها اذا رجعت للبيت ان شالله بعد اربع ايام

مستحيل ارجعها لصاحبتها لاني حولت لها فلوسها ومستحيل ترجعها والشغاله تبغى ترجع للبيت الي قبل تشتغل عندهم
انا خايفه تفشلني بضيوفي لان امي جوها ضيوف وتقعد تصيح وتقول تعبانه وازعجت امي ويسمعونها الحريم ًواحرجت امي عند ضيوفها

انا بحاجتها الحين فتره النفاس كيف اخليها تمشي صح واكون حازمه معها وبدون ماتضرب عن الشغل بنات بليز تجاربكم وحلولكم وشلون تعاملون معهم ومع زعلهم والله يعرفون حاجتك لهم ويستغلونها زوجي يقول اعطيها ميتين او ثلاث ميه الحين حتى تسكت وتقوم فيك وانا رافضه

ياليت تساعدوني بدعيلكم وقت الولاده وادعولي ربي يهون علي
يكفي هم الولاده جت هالشغاله الغثيثه وشلت همها الله لايحوجنا لهم