على وشك الطلاق شيروا علي ...

• السلام عليكم ورحمة الله وبركاته ..

مساكم رضا ..بدخل في الموضوع طوالي
انا يابنات متزوجه من 3 سنه من ليلة زواجي الى الحين ماعشت يوم سعادة من مشكله لمشكه
والسبب زوجي ماادري هو مجبور عليه او يغار مني لاني افضل منه شخصيه واعلى تعليم..
من اول مكالمه قفل في وجهي في الملكة ،،ومشيتها ..
كلامه مايخلى من اهانه لي ..اول شهر زواجي قالي ماانتي مثل ماتمنيت وتخيلت وكان باين هذا الشي في تصرفاته
قالي مرتين ماتستحين ..سوالفك تطفش المشكله انه مثل الصنم ..اشياء كثيرة ..
شخصيته معايه ،،ولاحضوا معايه انا فقط
صنم لاضحك ولاكلام
شكاااك جدا
عمرة ماضحك في وجهي ضحكه من قلبه
نضراته لي كلها احتقار
لاني افوت له اشياء كثيرة اخذني على قد عقلي واني مااعرف اتصرف
خبيث جدا وخسيس معايه انا
صارت بينا مشكله كبيرة اول سنه خاني وسكت لكن انفجرت في الاخير وقام طردني
المصيبه انه راح عند اهله وقالهم ماطردتها هي طلعت من كيفها ..صرت احلف وهو يحلف في الاخير تنازلت
ورجعت له ..المشكله انه اهله زعلوا عليه حتى ماجاءو راضوني ابد
رحت معه البيت ولاكلمة اعتذار قالها لي ..وزياده لاهديه ولا تمشيه طلعت انا الغلطانه ..يحاول قد مايقدر يحطمني ويكسرني
3 شهور في البيت هو في غرفه وانا في غرفه ..في الاخير حملت قبل الحمل باسبوع صار بينا مشكله هو السبب فيها وكان يبغى يطلق ماكان يدري اني حامل ،،وانا رجعت له ونفس الشي لااعتذار ولاشي
ومر الحمل بسلام هو نفسه ماتغير ،،
3سنه عمري ماتمشيت الا بعد طلب مني والحاح ..ويخرجني وهو مقلوب وجهه فيني ويعطيني ظهرة ..3 سنه تمشينا مرتين بس
اخر شي يوم النفاسي عند اهلي قضاها تماشي مايمر اسبوع الاهو في مكان ..اخر شي مسكته قلت له وش هالتصرفات قال مو مرتاح لي ..
انا هنا انكسر شي فيني ..مايرتاح لي لكن في الفراش يرتاح ..اخذت شنطي كلها وقلت له ابغى الطلاق قال خلاص
جلست اسبوع في بيتي ارتبه واصفي كل شي ،،والله مامسكني ولا قالي تعوذي من الشيطان بالعكس جالس يساعدني
حتى وانا طالعه ناداني ورجعت قالي نسيتي شامبو البنت تخيلوا ..رحت عند اهلي وتركت شنطي عنده وبعدين طلبتها وجابها


الحين خلاص وصلت لطلاق ،،دقت اليوم امه ..تسال امي انا من متى عندهم وهل قلت لها شي ولا لا ،،قالت امي لا قالت اسابي بنتك


انا الحين ماني عارفه اتصرف ..هل اصر على الطلاق ..ولا انتظر حتى يجون اذا شفت منهم مسعى جاد للصلح اوافق بس بشروط


ماادري ..انا ابغى الطلاق وخايفه على بنتي واخاف اتنازل واندم ..واحس ماعاد بها تنازل مابرخص نفسي يارضوة مثل الناس ياطلاق
واذا سالوني وش صار بينكم ماابغى اتفضخ عندهم لانه بشوفونها اشياء تافهه واكيد مابيصدقون في ولدهم كيف يكون موقفي قوي
محتاره مره