عمتي الله المستعان

السلام عليكم ..
هذي عمتي من كنت مطلقه ببيت اهلي وهي تكرر علي اني بصير خدامه لزوجات اخواني وأكد لهم وهن طالعات ومداخلات مع رجالهن وانا حزينه ..
كان عندي اخوات ثنتين بالثانوي .. كانت لما تقول كذا قدامهن احس اخواتي يزعلن ويحز بخاطرهن إنهن يتيمات .
وكنت اقول لعمتي سلامات نشتغل خدامات لزوجات اخواني ترا حنا ببيتنا وهن لهن بيوتهن والحمدلله اخواني فاهمين ولا يثقلون علينا بشي ..
ولما ادخل ع اخواتي الغرفه اشوفهن بتحسبن عليها ويقولون الله يفكنا من شرها غثيثه ويسبنهاا
وامي ماتقدر ترد عليها تخاف من مشاكل العائله ..
كانت عند عمتي ثلاث بنات وكلهن مخطوبات لضباط وكانت تقول لنا الحمدلله انا بناتي بيتزوجن عيال فلان وفلان بيعشين أميرات ولا منت إخوانهن
وراح يدلعونهن .. كنت انقهر منها ليه تقول لنا بنعيش خدامات لاخواني وبناتها تمدحهن وتقول بيعشن أميرات .. والله كنت ارحم اخواتي بس
وفجاه خطيب الكبيره يكنسل الخطبه ويخطب بنت بعيده عنهم .. وانصدمت هي
وخطيب الثانيه كنت انا بمجلس حريم وقالوا لامه متى خطبت فلان وفلانه قالت والله الولد غير رأيه وانا قلت له ماراح اتدخل ..
وعمتي تتصل ع امهات العرسان وتقول كيف تمسكون بناتي ثلاث سنين والحين تغيرون رأيكم وصارت هوووووووشه الكل يسمع فيهااا
وخطيب الثالثه سمع بالهووووشه وطول لسان عمتي وقااااال وانا كنسلت وخطب وملك وحده مانعرفها ..
وعمتي صار عليها حادث وصابهااا شلل نصفي بالمشفى ..
وقبل شهرين قابلت بنت عمتي الكبيره وطلعت تدور خدامات بالشهر .. وقلت لها دوري بمنطقتك صعبه تجيك من منطقتي قالت لاااا ابيها لبيت امي ..
قلت ليه وانتي تدفعي شهريتهااا قالت اَي وش اسوي غصبآ عني اخواتي صايرات شغالات لزوجة اخوي حتى بياله ماتشيلهاااا .. واخواتي حالتهن حاله ..
مع العلم بنات عمتي علاقتي فيهن مرررررره حلوه وعارفات لسان أمهن بس ماعمري قلت لهن أمكن تقول اننا بنصير شغالات عند زوجات اخواني ..


لما تتكلم بنت عمتي عن اخواتها قسم بالله اتذكر جلسة امهااا وهي تتكلم عني وعن اخواتي ..


الدنياااا دواررره وهذا فقط التحول صار بثلاث سنوات