عمري 35 وانخطبت .... لكن

خطبني متزوج ويقول انا ابي حرمه وبس وماعنده شروط
انا خايفه من اشياء كثيره
اخاف يضرب
اخاف يكون عصبي
اخاف يظلمني ... لانه يقول ابي زوجه وبس ولا ادري وش معنى كلامه
ساعات اقول برفضه والله يرزقني بعزابي وساعات اقول لا انا كبيره
اخاف يجبرني اخدم واكرم واعزم زوجاته وعياله وبناته
انا بشرط اكون لوحدي وماحد يدخل علي الا ضيف وبس مو مقيم او متفندق
معليش بنات لاني انا تعبت سنيين وانا اله كرافه لا تكل ولا تمل
سنيين وانا في مشاكل وصراخ واطفال
سنيين وابوي سخرني لخدمة البيت واللي فيه واللي برا البيت
انجلطت تعبت
لا مرضت اختي رحت اخدمها لين تتعافى لا تعبت عمتي رحت امسك اطفالها
لا مرضت صارت مصيبه واجبرت على الشغل
لا صار عندي عزيمه ماشفت اخت ولا عمه ولا حد لوحدي اشتغل
اللي ذكرته قطرة في بحر
مالقى لنفسي وقت اهتم فيها
حتى متفشله من شكلي انا قبيحه وعلى القبح اهمال وفقر
اقول في نفسي اتزوج متزوج افضل لي مو من صغري ولا من جمالي
حتى اسناني الاماميه مسوسه ومشوهه لا حد عطاني فلوس ولا حد مستعد يوديني ويجيبني
وشعري قليل واغلبه ابيض وحالتي يرثى لها
جفوني متجعده
ماعندي فلوس ولا عندي وقت ولا عندي حد يوديني ويجيبني وممنوع اصلا اطلع
اخاف لا شافني في النظره الشرعيه يرفضني او يقبلني لانه يبغى زوجه وبس
وبعد الزواج اخاف يحقرني لان شكلي مو شكل بنت
قمت اخربط ولا ادري وش كتبت
قولوا اي شي طمنوني ادعولي
كل احلامي تحطمت
تمنيت وظيفه قبل الزواج عشان اهتم بنفسي واتزوج وانا واثقه
بس ماصار