اخباآآركَم حواآيات ؟؟ كَيفكم مع الخلطات والكريمآآآت
مالي بالطويله بدخل بالموضوع على طووول..~
اممم حبيت اليوم افرجكم نظامي اللي استخدمه
وبصراحه انآ اركَز على النعومهـ والريحهـ اكثر شي وماننسى طبعا اهميه التركيز على اللون...~
نبدأ بالصور والتفصيل استعدووو......
اولا ماقبل نزع الشعر الجسم
استخدم احد هالحبآيب المقشرات احط المقشر على البشره وابدأ احركه بطريقه دائريه ثم استخدم الحجر وبطريقه دائريه على كااافه مناطق الجسم
الفايدهـ ... يطلع الشعر من تحت البشره ويبعد المسام
ثانيا نزع شعر الجسم
استخدم غااااالبا اله براون في جميع مناطق الجسم بس اكتشفت انها تسود الابط استغنيت عنها فقط منطقه الابط واشيه بحلاوه كنوز
استخدم حلاوة ميم لانها اسهل من كنوز ... حلاوه ميم طريقتها توضع في كوب ماء سان وتترك دقايق ثم تمسح على البشره وتضعين القماش على المكان اللي مسحتي عليه بالحلاوه ثم تنزعين القماش (اللغه رايحه فيها )وطبعا جدااا سهله استخدمها من فتره لفتره
اما الموس في الحالات الطاااارئه \\\ وخلال فتره بسيطه باشيل المناطق الحساسه بالليزر وافتك باركوووولي خخخخ
ثالثا جل الااستحمام
مثل ماهو واضح لوكس واولاي
لوكس حلوه ريحته وكلهم يعطون نعومه
رابعا الغسول النسائي
هذا الغسول اللي استخدمه بوصف من الدكتوره
خامسا مزيل العرق
افضل مزيل عرق استخدمته من هذي الشركه ريحته حلووووه ويفتح الابط ويدوم 24 ساعه
سادسا اهم شي سررررررررري
لو تلاحظون انا ماجبت طاري الخلطات وهذي العلبه هي السبب لاني من بعدها استغنيت عن الخلطات
اشتريها من وحده سودانيه اخذت رقمها من بنت هنا بالمنتدى الخلطه مرااا حلوه تفتح وتعطي نظاره واهم شي النعومه الغريب انها الخلطه مغربيه وفيها صابون مغربي ومع كذا البشره بعدها ناااااااعمه
سابعا المناكير ولوازمها
المناكير هذي اهم شي بالحياااااه عندي ومستحيل ما اعيش من غيرها
يتبع انتظروووووني
ثامنا كريمات الجسم والمعطرات
استخدم الكريمات المعطره مرا او مرتين اسبوعيا لانها تسبب سمار للبشره اكتفي بمعطر الجسم
ههههه والكرريم هذا اللي طايح هذا كريم حروق دايم معي في المطبخ<<الحرمه سنعه
والعلبه اللي غطاها احمر هذي خلطه كريم انا مسويتها عباره عن ( جولسوليد ونشا وليمون وشوي زيت زيتون وشوي زيت جنين القمح وشوي زيت اللوز)
تاسعا زيت الشعر
استخدم هذي الخلطه لشعري (غطا زيت دابر وغطا من زيت اللوز وغطا من زيت السمسم بس ماصورته وغطا من زيت الخروع وغطا من زيت الزيتون ) اتركها على شعري 3 او 4 ساعات واستحم
عاشرا الشامبو وحمام الزيت
كل شعر يختلف عن الثاني بالنسبه لي ناسبني صانسيلك للشعر المصبوغ مع حمام زيت فاتيكا جدا ناسب شعري ملاحظه اذا حبيتي تصبغي شعرك لاتصبغي الا عند وحده شاطره ومضمون شغلها الحمد الله صبغت شعري لاول مرا في حياتي وكنت جدا متخوفه بس الحمد الله طلع شعري جنااااان وابدا ما خرب مع الصبغه بالعكس احسه تحسن عن اول
احدى عشر فوط اليوميه
هذي الفوط جداااا مريحه استخدمها وقت االافرازات بس الحمد الله استغنيت عنها من فتره نزلت صورتها عشان تستفيد اللي تعاني من افرازات
اثنى عشر متفرقاات
هذي متفرقات كريم سودو ومرطب الشفاه وكريم ايدي ومخمريه وسيروم اللي ما استغني عنه
نصااايح وبعض من خلطاتي الشهريه
1\ اهم شي شرب الماء عند الاستيقاظ
2\ الاهتمام بنعومه الجسم وخصوصا الاكواع والارجل والركب
3\ وضع كريم او زيت لمده ساعه قبل الاستحمام اذا كان الشعر مستشور
4\ الاستحمام والوضوء بالماء البارد والابتعاد عن الماء الحار قدر المستطاع
5\ الفواكه وخصوصا المحتويه على فيتامين سي
خلطاتي
1\ الجسم مره كل اسبوعين زبادي وطحينيه سائله بنفس المقدار على الجسم وهو ناشف حتى تنشف ثم دعك الجسم بالليفه ثم الاستحمام
2\ خيارا مبشوره مع الشوفان توضع على الوجه والرقبه مراااا تفتح وتنظف
3\ اليقطونه وما ادراكم ما اليقطونه هذي للبشره خيااااااااااااال مرا في الشهر للجسم وكل اسبوعين للوجه تكفي وانا نزلت عنها موضوع كامل طرقتها تطحن وتخلط مع دقيق وماء وتعجن توضع على الجسم واذا نشفت تبدي تدعكي الجسم بالليفه وبعدها استحم بالمويه .... تكلم عنها عبد الباسط وما اخفيكم سرا يوم استخدمتها لزواج بنت خالتي والله حتى ما حطيت على جسمي لا كريم ولا بودره اكتفيت فيها وربي انبهلو خواتي على يدياتي و:arb: انهبل على بشرتي
واذا استخدمتوها بتحسون كانكم حاطين كريم اساس موجوده عند العطار
وبس يالحبايب انهيت اتمنى عجبكم موضوعي ونال على استحسانكم تقبلو تحيتي يالغاليااااااات