عندك سير ,اي جهاز رياضي/حتى لو ماعندك..اخليك تحبين الرياضة حُب^_^ بس شجعيني واشجك

بسم الله الرحمن الرحيم
السلام عليكم ورحمة الله وبركاته
صباح الخير ياابنات

اليوم جاتني فكرة جديدة ومفيدة وبصراحة بديت فعلا اطبقها

اذا عندك جهاز رياضي مثلا سير او حتى ماعندك

عندي طريقة تسيرين تسوي فيه رياضة بدون ماتملين ولا وبفايدة بعد ^_^

يوم تطلعين على السير
او اذا ماعندك ادخلي غرفة وسكري عليك الباب
او اذا عندك ممر بببتكم طويل بس بعيد عن الازعاج

(((وامسكي مصحف وسيري اقرأي قرآن او سورة البقرة وانتي على الجهاز او يوم تمشين بالغرفة)))

صدقوني يابنات طريقة مرة ممتازة

انا يابنات من النوع الي مااركز لانه انا مسحورة والحمدلله على كل حال

تصدقون يوم صرت امشي على السير واقرأ قرآن صرت مركزة مع القرآن كثيــــر

وانتي تحددين... تقرين سورة بكاملها .....تقرين جزء .....تقرأين سورة البقرة

راح تلاحظين انك بذلتي مجهود بدون ماتحسين بالوقت لإنه كل وقتك وانتي تقرأين بالقرآن ومركزة معاه
وانا افضل انك تبدأون قراءة القرآن من البداية عشان تقدرون تختمونه

وبكذا استفدتي وكسبتي صحة ورشاقة وفوق كذا واهم من كذا اجر ورضى الله

بعض البنات يحطون السير او اي جهاز رياضي قدام التلفزيون ولايشغلون اغاني وفيديو كليبات
طيب في هذه الحالة انتي مو تكسبين اثم؟!! حتى لو شفتي برنامج عادي ولا فلم مو بكذا ضيعتي وقتك وفوق كذا ترى مابتركزين
اذا قرأتي قرآن بتستفيدين وبتأخذين أجر وبتركزين لإنه انتي قاعدة تقرأين قرآن في الوقت هذا كل تركيزك على القراءة وتدبر الآيات... حتكون... مو على الوقت

والي عندها الدورة تقدر تقرأ القرآن بجوالها او تسبح طيلة الوقت اقل شي نص ساعة

نسيت اقولكم انا جسمي من النوع الي مايعرق لو ايش
لما سويت هذه الحركة مع القراءة صار في جهد أكثر وصرت اعرق الحمدلله

اتمنى طريقتي تعجبكم
وازيدكم
يشرفني تواجدكم في موضوعي وبرضو سويت قروب بنفس اسم موضوعي
قروب دردشة بنات ^_^(شجعيني وأشجعك)^_^

وهذا موضوعي الرئيسي ويفترض انه من ضمنه يكون برنامج رياضي
بس مالقيت غير رد واحد متحمس لفكرة البرنامج الرياضي والباقي ركز على شي ثاني
عموما حياكم

ماحملتي ماتزوجتي ماتوظفتي مهومة وعندك مشاكل ماتنحل حياكِ شجعيني وأشجعك
http://forum.hawaaworld.com/showthread.php?t=1972240

يالله اسمحولي طولت عليكم وقرقرت
وان شاء الله الفكرة تعجبكم

وان عجبتكم لا اسألكم سوى الدعاء
وان اجد فعلا بنات عندهم استعداد ينضمون ويسون هذا البرنامج معاي ويشجعوني وأشجعهم
وكل وحدة تكتب يومياتها في هذا البرنامج
هذا الي يهمني ان عجبكم الموضوع انكم فعلا تشتركون وتشجعوني

وان ماعجبتكم الفكرة ...عندي ماترفعون الموضوع حتى لو بشكر


خلاص انتهى زمن يعطيك العافية مشكورة مادري ايش خخخخخخ خلاص جا وقت الجد والعمل والتطبيق

اعذروني مو قادرة انسق بالالوان ولا احط الوجوه التعبيرية <<<احبها

مو راضية تشتغل معاي مدري ليش <<<< فيس حزين

يالله دعواتكم