عندك علب؟ اكسسواراتك مكركبة؟ تعالي ننظمها .. الجزء 2

طبعا مثل ما هو واضح في العنوان راح نكمل على موضوعي السابق واللي اشتغلنا فيه على علبة الخواتم وهذا رابط الموضوع للي ما شافته

http://forum.hawaaworld.com/showthread.php?t=2129994

اليوم راح نشتغل على علبة للحلق واتمنى انها تعجبكم لأنا بصراحة ما عجبني الشغل حسيت ان العلبة مو ذاك الزود مقارنة بعلبة الخواتم بس قلت ما راح ابخل على بنات حواء بالفكرة

نبتدي على بركة الله

نحتاج إلى علبة ويفضل يكون الغطاء مثبت فيها - رش بأي لون ترغبين فيه انا استخدمت ذهبي علشان تكون نفس لون علبة الخواتم - لباد (الاسفنج اللي يوضع تحت الموكيت) واذا ما عندك استخدمي فلين - مسطرة وقلم - كاتر- صمغ حراري- أي شي عندك لتزيين العلبة من شرائط وورود





اول خطوة نصبغ العلبة بالرش من الخارج ونتركها تجف



بعدين نقص 3 قطع من اللباد بطول وعرض العلبة ، 2 من القطع لقاع العلبة و1 للغطاء



نثبت القطع في العلبة ونصبغها بالرش >> هذي الخطوة ما صورتها



عندي هذي التقسيمات من دايسو فقلت استغلها اهني >>> اللي ما عندها هذي التقسيمات تستبدلها بورق كارتون متين وتكمل باقي الخطوات



نصبغها بالرش ونتركها تجف



بعدين نقطعها إلى قطع وكل قطعة فيها عمودين مثل ما هو واضح بالصورة



نجيب مفك صغير ونحميه على النار ونعمل ثقوب في كل قطعة >> كل عمود بثقب مثل ما هو مبين بالصورة





طبعا اللي ما عندها هذي التقسيمات قلت من قبل تسوي على ورق كارتون يكون قوي وكل قطعة بطول 3سم وعرض 1.5 سم وتصبغها وتعمل ثقوب فيها بخرمة الورق

يتبع بدون رد ..