عندك فكرة ساعدتك في الترتيب وتحسين انك ابدعتي بها تعالي هنا

اناوالله أعجبتني طريقه قريتها في المنتدى وريحتني كثير
سلة الزباله الصغيره حقت الغرف أحط في كل سله اكياس كثيره جوا بعض
بحيث انه كل ماامتلت السله مجرد اشيل الكيس وأرميه في الزباله الكبيره ولاارجع أحط كيس ثاني لأني حاطه كيس جوا كيس
ريحتني كثير لأني عقدتي تغيير الأكياس

انا اللي رتب بيتي مرررررررة وسهل علي التنظيف الرفوووف مرة شئ خيالي خاصة انه بيتي صغير ومع الرفوف صار كل شئ مرتب دواليب المطبخ على دولاب الملابس والتسريحة

استفدت كثير منكم
حولت علبة حليب اطفال زينتها وخليتها علبه للاقلام لالوان ولدي
حولت كرتونة كورن فليكس الى علبه لكليبات شعري قصيتها بشكل مائل وصبغتها وطلعت حلوه

هذي طريقه أعجبتني ومن فتره وانا استعملها
وهي اني اخذ قفاز او شراب أبيض واحط فيه صابون الوزير المبشور واربطه زين وأحطه بسطل فيه ماء حار واتركه حتى يميع شوي واحطه مع ملابس بنتي بالغساله هو والماء الحار واكمل غسل الثياب والسبب باستعمال الشراب لان صابون الوزير مايميع زين ويتكتل على ثياب بنتي ومن استعملت الشراب صارت كتل الصابون داخل الشرابات وماتطلع على الملابس وهذي الطريقه ريحتني كثير لاني اول اذا خلصت من غسل الملابس ونشفتهم اقعد ساعه وانا انفضهم من كتل الصابون
وجربت طريقة وحده هنا بالمنتداء الله يجزاها بالخير وهي اني أخذت كرتونه وقسمتها بقطعة كرتون مستطيل وصمغته وحطيته لطوابق البلاستيك ألي يجي معه غطا ألي للعجن ولحفظ المكسرات , خليت قسم للطوابق وصفيتهم بوسط بعض وقسم للأغطيه ودخلتهم بدرج البلاستيكيات صراحه ريحتني هذي الفكره من حوافظ البلاستيك وأغطيتهم وحوستهم

الله يعطيكم العافية وأنا كمان استفدت من عالم حواء الجميل في التنظيم والتنظيف
فكر خلط ادوات معينه للتنظيف في مرش مثلا واحد للتنظيف مكون من كلوركس وفيري وعملاق وانظف فيه المطبخ والحمام والمغاسل ومرش اخر فيه عملاق وديتول 4في واحد للتلميع والتنظيف لكل شيء واخر فيه كومفرت وماء للكوي واخر كومفرت وعملاق للحمام كشطفه اخيرة لمعان وريحة