السلام عليكم ورحمت الله وبركااته
اخباركم اخواتي في الله,,,,
اسال الله ان يشرح صدوركم ,,ويفرج همومكم
ابلش في موضوعي
عندك مشاكل مع زوجك ...مع امك...مع اي شخص كاان.. عندك اشياء متعسره ...اشياء تمنين تحققهاا
اسمعووا قصتي وربي شاهد علي انهاا قصتي اناا.....
اولا يابنات اناا تاخرت بالزواج واتزوجت اختي اللي اصغر مني وضاقت بي الدنيا مو حاسدتهاا لا والله بس تعرفون مشاعري انجرحت حسيت بنظره الناس لي تغيرت
كنت مهمومه وعمري طاف ال26
ابوي رجل ملتزم ومحرم علينا التلفزون بقنواته كلها دش وغيره
مرت الايام وهداه الله وجاب لنا المجد او بالاصح جاب فلك العايله اللي ماهو برسوم
كنت اجلس على قناة بدايه واشوف الشات واقرأ مشاكل الحريم واحس مصيبتي تهون قدام بعض المصايب
المهم اهتديت بفضل الله ثم الناصحات بشات بدايه
حافظت على الصلاوات كنت اقوم بزامي على اكمل وجه عشان لا تزعل امي مني لان رضى الله من رضى الوالدين
رحت السوق شريت سبحه ميه حبه(خرزه) وصرت كل يوم استغفر الف مره فقط والاستغفار الباقي استغفر بدون سبحه وبدون احسب لاذكرت اصتغفرت
وكنت اصلي على النبي مية مره وكنت اقول لاحول ولاقوة الا بالله ميه مره
واقرا جزء من القران يوميا واحياناا عشر صفحات
شوفوا خواتي كااان عندي ثقه ان الله سيستجيب لي
بعد شهر تقدم لي شاب اعزب ورفضوه اهلي بدون علمي
بعد اسبوع جتني جارتي عجوز لما راحت امي تسوي لها شغل قالت لي العجوز يابنتي ليش رفضتي المعرس انااا انصدمت اي معرس المهم علمتني بالسالفه
يوم طلعت جارتناا واناا على اعصابي ونفسي بخشمي قلت لامي ليش رفضتوه بدون علمي المهم امي قالت الله ماهو كاتبه من نصيبك
تخيلوا بنت خال امي عمرهاا 35 قالوا للرجال اللي جاي يخطبني روح اخطب فلانه حناا مانبيك وراح خطبهاا وتم الزواج
انااا بكيت وزعلت طبعاا دعيت لها بالتوفيق بس زعلت على اهلي وعقب قلت اللي جابه يجيب غيره بعد شهر قدر الله وشفت صورته قلت الحمدلله ماهو من نصيبي
كملت دعاء واستغفار ولا انسى صلاة الضحى وصلاة الليل لو ركعتين
بعد اربع اشهر من هدايتي اتصلت صديقه لي بالكليه وعلاقتي بها بعد الكليه بس رسايل
انصدمت لما اخطبتني لاخوها لانهاا ماهي من قبيلتناا المهم قلت لاهلي ورفض ابوي رفض نهائياا
لكن جو الرياجيل يخطبون قال اخوي عطيناكم اذا هي موافقه طبعاا اخوي يحلف بعد مامشوا يقول مدري شلون طلعت مني الكلمه
قال ابوي اناا رافض راح اخوي قال لابوي تكفى يبه لاتفشلني بالرياجيل اناا عطيتهم كلمه المهم
تزوجت بنات اناا انسانه قصيره واقل من عاديه لكن طول فترة الملكه ادعي كل ليله ان ربي يؤلف بيني وبينهم كلهم ادعي ان الله يجملني بعينه والحمدلله كل دعواتي استجيبت والفضل لله
لكن كان في بيتي دش وبعد زواجي بست شهور تقريباا طحت بالمسلسلات وتركت الاسغفار والالتزام يابنات
اقسم بالله العظيم طلعت مشاكل بيني وبين زوجي حتى هو يقول وشش صار مرات يقول حسدوناا النااس بس اناا بعد شهر من المشاكل لدرجة وصلناا قريب للطلاق
سيرت لاهلي وراجعت نفسي وعرفت تقصيري
والتزمت بنات واقسم بالله العظيم جلست عند اهلي يومين يوم رجعت له قالي ما شا الله اليوم طالعه غير والله والله العظيم يقولي خليك دايم كذا
هذي قصتي لكن زوجي توفى بحادث اسال الله ان يغمد روحه الجنه اشهد الله اني راضيه عنه واسال الله ان يرضى عنه ويجمعناا بجنته
بنااات بعد وفاة زوجي تدهورت حياتي بالشهور الاولى اكتئبت ولما جاء يوم من الايام وانااا بالعده
قمت قلت لازم ادعي ربي وارجع من جديد واستغر لذنوبي وربي كنت بالعده باقي لي شهرين من العده
تدرون بنات صليت ركعتين ودعيت ربي يفرج عني ويشرح صدري لان العده لحالها ضغط نفسي اجل كيف التفكير بالمستقبل
والله يابنات وانااا بالعده اتصلت بي وحده من صديقاتي قالت اهتمي بنفسك تراني ابيك لاخوي وطاح عني هم كبير وانبعث امل بداخلي والحمدلله خلصت العده بس حد الان انااا ماوافقت افكرر
قولوا ماشاء الله وادعو ربي ييسر اموري اسالكم بالله العظيم تدعون لي ربي يصلح لي ذريتي
خواتي هذي قصتي مع الاستغفار وكل وحده عندها مشاكل تراجع نفسهاا عندك ذنوب سدت عنك باب الفرج
الاستغفار ... ثم الاستغفار...ثم الاستغفار
بس لا تيأسو .. ولا تستعجلوا
وكل ماضاقت الجوء لله
اختكم ومحبتكم في الله
مااااااهموني
ما هموني @ma_hmony
عضوة فعالة
يلزم عليك تسجيل الدخول أولًا لكتابة تعليق.
ام سدومة الحلوة
•
جزاك الله خير ...والله يوفقكى ويكتب اللى فيه خير لك ان شاء الله
غفرآن
•
جزاك الله الجنه فعلا الاستغفار يسهل الامور باذن الله
وماشالله تبارك الله الله يكتب لك الخيره دايما وابدا ❤
وماشالله تبارك الله الله يكتب لك الخيره دايما وابدا ❤
الصفحة الأخيرة