عندما يكذب الزوج

بنات حبيت افتح موضوع كذب الزوج 00000000

بنات زوجي فيه صفه مو حلوه وهي الكذب والكذب كذب ماله اي مسمى ثاني

والمشكله انا اللي اكتشف كذبه بعدين ياليته هو اللي جا وصارحني ويقولي انا هذيك المره كذبت عليك في الموضوع الفلاني

والمشكله الاكبر انه دائما يخليني انا السبب في كذبه يعني اعطيكم مثال هو عنده مجموعة اصحاب انا

مااحبهم ولا ارتاحلهم ومااحب زوجي يروح لهم وجا مره قالي انه طالع للعمل ودقيت عليه من جوالي و

كنت ابه يجيب معاه حاجه ورد علي على اساس انه في العمل وقالي انا الحين مشغول في العمل ومدري

ايش وسكرت بعد لحظه وحده ذكرت شي وجيت اتصل عليه لقيت جوالي بطاريته فاضيه واخذت جوال

واحد من اخواني الصغار وكان رقمه جديد مايعرفه زوجي وادق عليه الا ويرد علي وعنده ذيك الصجه

وازعاج الشباب وسواليفهم طبعا يوم سمع صوتي اختبص وصارت مشكله وطبعا خلاني انا السبب

وقالي لو اني قايلك اني ابروحلهم كان سويتيها زعله عشان كذا اضطريت اكذب عليك

طبعا انتو بتقولون خليه يطلع لاصحابه بس ابقولكم ان اصحابه كثير وعنده كم شله عادي كل يوم يروح

يروح لهم بس الشله هذي بالذات انا ماارتاح لهم واحسهم يقلبون راسه والا هو مايقصر بالطلعات

والسهرات انا مااقوله شي

ومره الصباح دقيت عليه وقالي انه في الدوام واكتشفت بعد فتره انه كان في مطعم هو مع ولد عمه

يفطرون طبعا دريت من زوجة ولد عمه عاد انا سويت نفسي داريه قدامها وطبعا يوم واجهته قالي انتي

السبب لو دريتي اني طالع افطر بتزعلين وتقولين تعرف تفطر مع مين

ومره كنا في فندق في جده وكنا طالعين ويوم رجعنا للغرفه بالفندق الا نلقى ظرف باسم زوجي وافتحه

والاقي بطاقة ماستر كارد باسم ثاني بس نفس عائلة زوجي واخذها زوجي وقال اكيد غلطانين ابنزل

للاستقبال واعطيهم البطاقه وفعلا نزل ورجع للغرفه مره ثانيه وقالي عطيتهم البطاقه وفعلا كانو

غلطانين في واحد من عايلتنا ساكن هنا وجلس يعطيني تفاصيل قريبه اللي من عايلتهم وين ساكن

وايش يشتغل المهم بعد فتره تقريبا اسبوعين الا والاقي البطاقه نفسها في محفظته وسالته عنها

وقالي انها حقت ولد عمه وهو طلبها منه علشان بطاقة زوجي مامشت وطلب من ولد عمه يرسله

بطاقته علشان يمشي اموره وقلتله طيب ليش تكذب علي قالي لو قلتلك اني بطلب بطاقة ولد عمي

بتزعلين 000000000 يعني كل كذبه يقولي كذبت عليك علشان ماتزعلين بكره يتزوج علي ولا

ادري وبيقولي كذبت عليك وما قلتلك علشان ماتزعلين عذرا اقبح من ذنب 000

ياناس يمكن القصص الي قلتها لكم تشوفون انها تافهه بس انا اللي يهمني ليه الكذب والله اكره الكذب

واللي يقهر انه يتقن التمثيل ويخلي الواحد يصدقه يعني في ناس لما تكذب يبين عليهم لانهم مايعرفون

بس زوجي احسه محترف ودائما اقول ياخوفي من الخافي يعني الاشياء اللي ذكرتها كلها عرفتها -

بالصدفه0000والله احس احيانا اني مااثق فيه وبطلعاته وجياته 0000

بالله قولو لي هل هذا الشي عادي بس اكره الكذب واللف والدوران