عندي الحل لأرتفاع الاسعار بس اخاف انه امر دبر بليل!!!!!

مجرد احلااااااااااام لعل وعسى

السلام عليكم ورحمة الله وبركاته


هلا اخواتي الفاضلات انا من النوع اللي دايم يحب احلام اليقظة >>انتبهوا احلام يعني ماتتحقق


وطبعا لاني رافضة هالوضع اللي عايشين فيه من اعلام مدري وين بيودينا له ومن وضع اقتصادي سيء لا وظايف ولا رواتب زينه يجي ارتفاع هالاسعار يكملها لا مو بس كذا الا وزير التجار شين وقوي عين<<<لاتفهموني غلط لاتجي وحدة مثل وحدة فاتحة موضوع تمدحه تقول وش قصدك!!!!انا اتكلم عن سياسته في وزارته واقواله الغير رشيدة.....



نرجع للمهم وللاسباب السالفة الذكر اللي دبجت بها موضوعي اجد نفسي ولان اليد ليس بها حيلة اخلد الى الاحلاااااااااااااام التي لو اخذ بها لهبطت الاسعار من النسب الخضراء الى الحمراء:42: يعني بدون فلسفة تهبط الاسعار وتصير في متناول الجميييع كما ان التجار سوف يرضخون الى التخفيض عن يد وهم صاغرون الى بعد يبون يعلنون افلاسهم واحدا تلو الاخر :)

ياسلااااااااااااااااااااااااااام على الاحلام والحين خلونا نطمر الى الحلم



لو اكون وزيرة ليوم واحد :42: كان وضعت في كل منطقة مركز كبيييييييييييير للتسوق يبيع المواد
الغذائية وهذا المركز يخدم المنطقة وضواحيها وكل ماكبرت المنطقة حطيت فروع .



نجي عاد للاسعار طبعا لاحظوا معي ان التمويل من الحكومة الله يطول بعمرها وطبعا هذا استثمار يبي يخدم الشعب والحكومة بعد....... يعني الاسعار تكون معتدلة ومعقولة والربح للحكومة لكنه ربح غير مبالغ فية معقول ايضا.


نجي عاد للتجار :angry2::angry2:ولسوق السوداء قد تنشأ عن هالمركز هذولي ماخذة حذري منهم لايجي احد من التجار ويشتري من هالمراكز ويبيع مابقى الا هي:angry2:


عشان اقطع عليهم الطريق تكون كل السلع اللي ابيعها عليها علامة حكومية على الكيس وعلى كل علبة وتكون العلامة مطبوعة لايستطيع التاجر ازالتها وكل من يجد في محل او بقالة غير المركز الحكومي يبيع هذا المنتج يبلغ عنه وعقوبته غرامة بقيمة 100 الف والمخالفة الثانية نتوطى ببطنه ونسحب منه تصريح البيع .



وبكذا راح التجار يخيسون هم وبضايعهم ولا راح احد يشتري منهم واللي وده يمشي بضاعته يبي يحط اسعار ارخص من المركز (حق الاحلام :)) عشان يكسب زباين وعلى شوي شوي يرفع السعر بس مهوب مستجري يكون اغلى من مركزنا حق الاحلام



وش رايكم؟ اصلح وزيرة:angry:مع ان الرسول عليه السلام يقول (ما افلح قوم ولوا أمرهم امرأة)


بعد ساعة من احلام اليقظة وبعد ما اتنفس الصعداء وترتاح نفسي استيقظ على الواقع وعلى مقولة وزير التجارة الهمام لانرى شيء يستدعي التدخل في الأسعار الحالية:09: