عندي صحبة غريبة

السلام عليكم
مدري كيف ابدأ موضوعي بس بقولو
انا عندي صحبة من 7 سنوات تقريبا ططبعا دي الصحبة كيف اتعرفت علييها
بداية كنت في الثانوي اولى ثانوي وهي جات طالبة جديدة اول ماادخلت وجلسست صارت تطالع فييا بنظرات مع الايام صارت صحبتي عاددي يعني زي كل البنات
يعني سنة وحدة بعدين كل وحدة نقلت لمدرسه ثانيه وصارت تكلمني فيس بوك يعني تسأل عني وكدا هي دايما الي تبادر وصرت انا عادي احكيهاا ايش يصيررر معايا وكدا
بس عمري مابادرت او فكرت اني اكلمها انا اعتبرها يعني زي اي صديقة
ومازالت مستمرة الى الان وكانت قبل كم سنه تدور عروسة للاخوها وكانت تسالني وتبغاني ادورلها طبعا وقتها كنت انا مخطوبة وهي عارفة قالتلي دوري من اهلك وكدا وانا دورتلها بس ماالقيييت المهم مرت الايام وانا انفصلت عن خطيبي وهي عرفت وبعدها بسنه قالتلي ابغاك في موضوع قلتلها ايش قالت بخطبك لاخويا انا انفجعت قلت في نفسي ليش هي عارفه كل شي عني كيف تخطبني لاخوها المهم رففضت انا وقالتلي خلاص اوكي اهم شي نحنا نكون صحبات لا تزعلي قلتلها اوك عادي
الشي الي محزني الان مع انو مرت 7 سنوات عمري ماحسيت انها صحبتي الحقيقة الي عادي لو اتكلم معاها ونا مبسوطه حسيت انها زي الي لاصقة فييا ووحشتيني ووكيفك ايش مسوية وانا مااابادلها نفس المشاعر
يعني انا اتعرفت على صحبة في الجامعهه قريب واحسها زي اختي نفضفض لبعض اما هذه ابو سبعه سنين مااحسها زي اختي احسها للاسف كأنو شي ناشب فيا مع انو البنت طيبة وعمرها ماغلطت عليا ودايما تسأل عني بس انا صرت اتضايق من دا الموضوع وصرت اتجنب ااتكلم معاها كثير يعني احزن عليها اقول هي تعزني البنت وتسأل عني وانا استغفرالله ماني طايقة الموضوع
وكل مرة اتذكر ديك النظرة كأنها اليوم
نفسي اسألها انتي ليش متعلقة للددي الدرجة انا ماسويت لها شي او معروف عشان تعزني بدي الطريقة وتقول دايما بجي بيتكم
دحين لمن تكلمني بس اسلك وامشي الكلام
لمن اخش الواتس اقول ي رب ماتتكلم واذا اتكلمت يجيني الحزن ماابغا ارد