عندي مشكلة مع بعض بنات الجامعه

السلام عليكم ورحمة الله وبركاتة 
كيف حالكم يا أحواتي أن شاء الله كلكم بصحه و عافية 
أنا عندي مشكلة كثير مضايقتني في الجامعه لدرجة أني ما عاد أحضر إلمحاضرات آروح الجامعه ولا ادخل المحاضره اللي علي وكرهتها مره ودي أتركها وبنفس الوقت ما أبي اخليها لأني أحب الدراسه 
أنا طالبه في جامعة نورة خلصت الحمد لله السنه التحضريه ودخلت التخصص اللي أبيه ، وآنا لسى صغيره عمري 20 
المهم مشكلتي هي نظرة بعض البنات لي اللي هو البويات الله لا يوفقهم ويفكنا منهم 
أنا من النوع اللي كتومه واخاف يعني ما أقدر اتصرف ولا أتكلم لأحد أسكت حتى تنحل المشكلة من نفسها لأكن المشكلة هذي طولت من أول دخولي للجامعه إلى هذا اليوم 
المهم فيه بويه استغفر الله تقول لصديقتي أني أنا معجبه بفلأنه اللي هو أنا عرفيني عليها أو عطيني إلبي بي و رقمها طبعا صديقتني رفضت وهاوشتهم هي تعرفهم بس مو ذيك المعرفه ودائم لما آروح البوفيه أحصلها وراي هي والبويات اللي معها وتتلزق فيني من ورى وآنا يصير وجهي شبه الطماط قدام البنات مره اتضايق وتقولي كلام وسخ استحي أقوله حتى دورة المياة أعزكم الله ما آروح إلا إذا صديقاتي معاي لأن كل ما أقوم مكان تجي وراي يعني ماكو فكه واخاف منها صوتها وشكلها ومشيتها 
أبيكم تقولون لي وش آسوي كيف أوقفها عند حدها ولا أحد يقولي كلمي اهلك أو إدارة الجامعه لأن زي ما قلت لكم في بداية الموضوع أنا مره استحي واخاف أتكلم