عندي مشكله واطلب رأي محايد

السلام عليكم..
عندي مشكله من سنه والى الان ماتكلمت فيها واسعى دايم اني اتصرف صح لاني عندي طفل من هذا الزواج
اكتشفت من سنه ان زوجي له علاقة ببنت خاله من قبل زواجي ، والمشكله الاكبر انه كلامهم اباحي تام، هذي الشيطان الي يعرفها هي متزوجه وأم لثلاث اطفال واكبر منه ب١٤ سنه. ودايم هي الي تبدا بالكلام الغلط وتحرضه وهو مع احترامي للجميع حمار يسلك معها. قريت كل محادثاتهم وعرفت انه راح ودخل بيتها ٤ مرات ووقفو لسبب انه زوجها بغى يكشفها مره، انا من يوم عرفت ماقدرت اصبر رحت لامه وقلت لها كل شي من الالف الى الياء، امه دافعت عنه وقالت انها من اول تبيه وانه حتى بزواجي قامت تبي تسلم عليه بس امه منعتها وقالت عيب.
نجي لي انا، من قبل اتزوج وانا عندي فكره وحده ببالي اني اذا جبت اطفال مابي اتطلق وعشان كذا مابي اختار الا الانسان الصح، وهذا الي كنت احسبه. كنت عايشه قصه مره حلوه لين عرفت الحين ماقدر اوازن بين رغبتي بان طفلي يعيش مع اب حنون او اني اختار كرامتي لانهم مسحو فيها الارض. تساله عن اشياء خاصه فيني حتى امي مااقولها لها. وهو يقول لها كل شي عني، ادق تفاصيلي فاضحني عندها. انا ماعمري شفتها مع انها جت زواجي بس ماقد شفتها. دايم من كلامهم يحسسها انها احسن مني واحلى وانه بيموت لين يختلي فيها. المقصد انه دايم يسمعها الكلام الي هي تبيه حتى لو معناها انه يسبني عندها عشان تفرح هي
اهلي لو يدرون لعنوا ام الي جابو العايله كلها وبتطلق لاني اكيد بختار اهلي. والطفل هو الوحيد الي بياكلها.
وامه تدافع عنه، ومن بعدها ماقالت لي ولا شي بس يمكن ماتبي تدخل. براحتها
الي اطلبه ابي رأي محايد لاني ماعرف كيف اتصرف، علاقتهم مستمره بشكل متقطع حسب حاجتهم وامه تدري وساكته، وانا ساكته ماقلت لاحد، ابي مصلحة طفلي فوق كل شي.
انصحوني وشكراً لكم