عندي مقابله!!!!!

بالتوفيق..

مشكوره أختي على مرورك
والله محتاجه نصائحكمولكن الظاهر هناك شعار لا للمساعده

بالتوفيق انشالله

اتوقع الاسئلة بتكون عن فهمك للوظيفة واهدافك واتوقع السؤال الاهم هو كم تتوقعين او تتاملين انك تاخذين راتب وليش طبعا لا تحطين مبلغ خيالي علشان اهدافك ما تكون مادية بحتة ولا تحطين مبلغ قليل علشان هم لا يطمعون فيك

وانتي لازم تحطين خطة مميزة وجريئة ومفهومة وتبررينها شفويا علشان تبرزين شخصيتك ولازم تتمتعين بميزة الاقناع

واهم شي صلي ركعتين قبل لا تروحين وقولي هالدعاء

اللهما اشرح لي صدري ويسر لي امري واحلل عقدة من لساني يفقه قولي

وربي يوفقك للصالح

الله يوفقك يارب


اهم شي خليك واثقه من نفسك لا ترتبكين خلي شكلك بسيط ومرتب لان المظهر شي مهم بالعلاقات العامه

واذا كان المكان يحتاج للغه الانجليزيه مافي مانع وانتي تتكلمين تحطين كم كلمه

واتوقع بيسألونك عن ردة فعلك تجاه موقف معين
يعني مثلا لو صار لك وانتي بالعمل احد جاء وهاوشش وهو مو على حق كيف تتصرفين

او شي مثل كذا
واكيد بيسألونك اذا تعرفين للكمبيوتر ومهم تبينن انك متعاونه ومرتبه ودقيقه

و الله يوفقك يارب وطمنيا وش صار معك

هلا اختي
الله يوفقك يارب
اهم شي بالمقابلات الشخصيه انك تكونين واثقه من نفسك ومحدده في اجاباتك يعني ماتحطين احتمالات اجابه محدده ..واهم شي تكونين بشوشه لانه الوظيفة علاقات عامه بتكونين واجه المؤسسه او مقر العمل الي تشتغلين فيه للعميل ..فيه كتاب في جرير عن المقابلات الشخصيه انصحك تقرينه مره حلو بس للأسف ما اذكر اسمه لكن هو من اصدارات جرير