عندي هم الله يفرج كربة كل من فرج عني

مرحبا يا غاليات
وببدون مقدمات اشكو لله حالي اولا واخيرا

والله يابنات فيني هم متعبني ومطفشني فحياتي مو مخليني استمتع بشئ
وقلق ملخبط يومي وساعاتي

المشكله الله يسلمكم ان كل ماجتني شغاله طفشت ولا طفشتها
عندي اطفال صغار ومعروف قد ايش تعبهم وشقه كبيره تحتاج كرف وتنظيف غير الغسيل والكوي اكوام وجبال :09:

والطبخخخخخخخخخخ يعني اكيد فاهمين مايحتاج اشرح لكم

عندي اصغر العيال عمره سنه ونص مشاغب ومخرب ودايم البكى والصياح هلكني ما اعرف اشتغل منه لازم احد يمسكه ومحد فاضي لي
وانا اجيب شغالات من البلد يعني مو من برا ولا افكر اجيب من برا بعد الشردات والهروب اللي يسوونه:angry2:

واللي اجيبهم يا اما يتشرطون وما يعجبهم العجب او من اولها يشتغلون يوم ويطسون او يقرفوني عمري فأفنشهم
وتصدقون ان معظمهم تجي وحده ما تخاف الله تقولها اطلعي من عندك وتعالي اشتغلي عندي واعطيك زياده ماعاد فالدنيا خير

والان وربي اكتب لكم وعندي وحده كل شويه يجيها اتصال من اللي يطلبونها تشتغل عندهم وانا عايشه بقلق وتوتر
لا تتركني حسبي الله عليهم الله ينتقم منهم

وتلاقوني على ذا الحال اتوقع في اي وقت تقولي مابشتغل او تسوي زي خواتها مريضه وبتموت

وانا ما اقدر على الشغل لحالي وخلال شهر جاني اشكال الوان ما تميت على حد وخلاص رمضان بكره :(
وبرمضان الشغل ضعف ويادوب لي بالطبخ
والله يابنات الموضوع هذا متعبني مره ومخليني طول الوقت مشغوله ومتوتره

قلت افضفض لكم تواسوني وتصبروني او تعطوني حلول
يمكن حد يشوف همي بسيط لكنه في قلبي مو بسيط ولا هين

لي سنتين ادعي ربي يرزقني شغاله طيبه وتم معايه ولله حكمه عسى عدم استجابة دعايه مو ذنوبي الله يغفر لي

ابغى اشيل الهم ذا عن راسي وارتاح واعرف اهتم بنفسي وعيالي وزوجي واقوم بشغلي براحه
احس اني اختنق وانا اسويه

دعواتكم ونصائحكم لا تنطشوني تكفون