)
ورجعت فلوس شامخة أبيه ودخلت بيتها وأول شي سوته نطلت عباتها على جنب وراحت للأبو
.
.
فلوس : السلام عليكم يابو سعد أبشرك أبشرك بتصير جد
.
.
أبو سعد: الحمد لله قلت لك خلي الرجه الله يجزاأم سلطان خير لولا الله ثم هي كان البنت هالحين ميته من الخوف
.
.
فلوس : أم سلطان ماهي بهوينة شر ههههههههههههه
واليوم من بعد صلاة العصر بروح بيتهم ..وتسكت قليلاً تصدق يابو سعد من يوم توفي أبوهم مادخلته ولاهم سألو عني ولا شي مع إني كنت أخدمهم من عيوني ؟
.
.
أبو سعد: ماكانو يبون أبوهم يعرس ..وبعدين هم أحرار وهم يشوفون إننا شغالين عندهم ونآخذ حقنا .....بس مهما صارلازم تعلمينهم بسالفة حمل مريم ..
.
.
فلوس : أكيد إن شاء الله ومن هالحين منصور الي في بطن مريم إن شاء الله على أسمك وإذا هي بنت بنسميها فلوووووووووووووس ولا وش رآيك
.
.
ابو سعد : لا تكفين .....يارب ياكريم إنه ولد
.
.
وجهزت مريم مع والدتها طعام الغداء وهم يتغدون ..
.
.
فلوس : أسمعي يامرااااايم أنا بروح لعيال أبو محمد وبعلمهم عن سالفة حملك

وكنت أبيك تجين معي ..
.
.
قاطعها الأب : لأ مريم لأ إنتِ تكفين وبزياده جيش ماشاء الله عليك
مريم بعدها صغيره ولا أبيها تشيل هم المشاكل ووجع الراس من الحين إنتِ تقومين بالواجب
.
.
فلوس : صادق والله يابو سعد أصلاً أنا الحمد لله كان ودي هالشي يصير والله ثم والله لا أوريهم وآخذ حق بنتي من عروقهم ولو هو دواهم ما أتصدق عليهم بقرش واحد.
.
ابو سعد:ول ول أجل الله يعينهم ..والله ولقتيتي لك شغله تحبينها يافلوس
.
.
وبعد العصر توجهت فلوس لبيت عيال أبو محمد وهي في الطريق لقت بسطة خوياتها الطقاقات والقهوجيات والشغالات والبيعات وهذا البوينت هو مكان يشتتون فيه ويسولفون ويعلمون بعضهم أخبار بعض و أخبار الشيوخ والناس بشكل عام هذا هو الإعلام آنذاك فلا تلفزيونات ولا رديوهات ولا نت !
.
.
وجدتهم يجلسون مكانهم الدائم في الشارع على شكل حلقه وعندما رأو فلوس قادمه قام الجميع يسلم عليها فهي لم تحضر تجمع صديقاتها من فتره ..
وهي تسلم عليهم وجدت أم عنبر صديقتها التي كانت تعمل عند عيال أبو محمد ولا زالت
.
.
أم عنبر : شلونك يافلوس ولا لك حس ولا خبر يالقاطعه ..وشلون بنيتك يالبى قلبها ..


أنا اشهد أنهم ظلموك وظلموها يوم إنهم مايعطونك ورث بنتك كامل وحتى يوم طلعتي من بيتهم ماش ماجاز لي شكلكم كأنهم تصدقو عليكم ..
.
.
فلوس : حسبي الله ونعم الوكيل عليهم
.
.
أم عنبر : وراك ماتحيسبتي عليهم من أول ؟ توك تفطنين !غريب أمرك ولا من يوم طلعوك من بيتهم قولي لهم لاااااا ابي حق بنتي كامل ماهقيتها منك يافلوس ماهي بعلومك
.
.
تدرين إنهم وزعو الورث البيت الكبير الي في الزاوية أخذه محمد والبيوت الي في ديرتهم لعبد الله وهذيك رصة البيوت كل بنت خذت بيت غير الفلوس وزعوها ومحلهم الي بالسوق هو نفسه لازال شراكه بينهم لإنه يدخل عليهم كثير ماحد عنده محل يبيع رز وسكر وشاي إلا هم ولاااااا ابشرك هالحين جابو شاهي وبن من اليمن وآخر شي يبيعونه بخور شيوخ يهبل من جاوه ..!
يعني صادق الي قال الفلوس تجيب الفلوس إلا إنتِ يافلوس تجيبين الفقر وتداركت الأمر وقالت مثلنا مثلنا ههههههههههههه
.
.
فلوس وهي تفكر : والبيت الكبير الي كان فيه الشايب وش سوو فيه ؟
.
.
أم عنبر : ولا شي كلهم يعيشون فيه تعودو على بعض وهذيك بيوتهم كل واحد أجر بيته ..!
.
.
فلوس بصوت منخفض : هذا بيت بنتي
.
.
أم عنبر: وش تقولين بيت مين هووووو
.
.
فلوس : أعوووذ بالله قلت أعوذ بالله منك يابليس بتجيك السالفه لا تستعجلين على رزقك كملي وش بعد ؟
.
.
أم عنبر : تناااااااااافخين وتبين أخبار خلاص أنتهت نشرة الأخبار هه ابم وحطت يدها على فمها...
.
.
فلوس : أقول أم عنبر لا تسوين فيها زعلت من يومي وانا أنافخ عليكم تكفون يالشيخات
.
.
أم عنبر : ههههههههههههه وحنا ننافخ عليك بعد يالشيخه
.
.

وسكتت أم عنبر وبعدين تذكرت كلام أكشن بالنسبه لفلوس وتصددقين ياخيه هم يقولون إن ابوهم ماتزوج بنتك أصلأً
.
.
فلوس : وش وش وش وش فطططططططططططططع يقولون الي يقولونه إلاااااااااااااا تزوجها على سنة الله ورسوله ولااااااااا أزيدكم من الشعر بيت وأبشركم بنتي حامل منه ترى
.
.
كلهم بصوت واحد : حااااااااااامل من الشايب ..!
.
.
فلوس : أيه من الشيخ ابو محمد ..
.
.
أم عنبر : أجل صدق المثل البندق العوجا عاد فيها طلقه !
.
.
فلوس شعرت بالنصر ونشوته أمام صديقاتها ووعدتهم بإقامة وليمه لهم ومساعدتهم مادياً إذا حصلت على ورث أبنتها وولدها ..
.
.
كريمة وسخية فلوس ولكن الفقر ..الغنى ليس غنى المال بل الغنى غنى النفس ..
.
.
فلوس وهي تقوم وتنفض الغبار من عباتها : يالله أشوفكم على خير هالحين بروح للنسايب وأنتم حشو فيني على خير وياويلكم لو ماوصلتو هذا الخبر لكل البيوت <------هه هذا الإعلام ولا بلاااااااش
.
.
أم عنبر وقفت وهمست في أذن فلوس بدعوات لها وسلمت عليه ..
.
.
أم عنبر وهي تمسك بيد فلوس : أفااااااااااا فلوس يدك تنتفض
ماخبرنا فلوس ضعيفه ..وين النفاخ الي قبل شوي ..!
.
.
فلوس : لاا بس تعرفين أتذكر عيالهم وهم صغار أنا ربيتهم وكنت أأكلهم بيدي هذي وأنتبه لهم وحتى بناتهم كل وحده فيهم قعدت معاها فترة الحمل والأربعين ..وهم معروفهم علي كبير وبني آدم ماينسى حتى لوهم خربوها في النهايه بس لإنهم شايلين علي .
.
أم عنبر : طيب الي يشوفك يقول بتحاربينهم هذا حق والله من سابع سما مايستحي من الحق هااااااو إنتِ بتستحين خليك قوووويه يافلوس وكافي الي صار لبنتك ولا مريم وولدها شوي عند فلوس ؟
.
.
فلوس تهز راسها وكأن عيناها تذرفان الدموع

.
وأتجهت فلوس لبيت النسايب
.
.
.
.
مـع كـل دمـعـه تـذكـر رعـشـة يــــدينـي
ومـع كـل خطوه تـذكـر قـلـبـي الوافــــــي
.
.
لـكـن أمـانـه تـرى الـلـي فـيني كـافـيـنــــي
إن رحـت مـنـك كـذا مـارحـت مـتـعـافـــــي
.
.

بـصـّدق الـحـلم وأحـذر لا تـصـحـيــــــنـي
فـي خـاطـري كـلمـتـيـن وإن قـلـتـهـا كـافـي

ظلت (فلـــوس) تراقب مريم وتعتني بها فهي الأشهر الأخيرة ...
.
.
مكثت في البيت وأقدمت استقالتها للجميع ...لم تعد تخرج كثيراً من المنزل وعندما أجبرت أن تجلس في بيتها رأت وشاهدت وعرفت السر الذي لم تكن تراه !
.
.
فزوجها الضعيف المقعد لا أحد يعتني به سوى مريم الحامل التي تحتاج من يعتني بها ! ..وأولادها الصغار هم في أمس الحاجه لحضن أمهم الحنون ..
.
.
كانت تغسل البيت وتطبخ وأصبحت تعتني بزوجها ..
وهاهي تجلس في وسط البيت أمامها صحن معدني قديم تعجن وأولادها أمامها يلعبون وهي تنظر إليهم شعرت بحالة نقاء وسعاده ورضا لم تشعر به في حياتها ..
.
.
فالمرأة حينما تقوم بواجبها نحو بينها وأسرتها تشعر بإنها أهم إمرأة على وجه البسيطه تشعر بأنها قد حققت كل أهدافها وأرضت أصعب طموحاتها ..
.
.
ما أجمل أن تعمل المرأة لبيتها وزوجها واطفالها ..!
.
.
وهي تنظر اليهم كانت كأنها تنظر اليهم للمرة الأولى فثيابهم بالية متسخة ومقطعه!
.
.
وابنتها الصغرى فاطمه ثائرة الشعر
.
.
أنتهت من العجن وذهبت وسط الأولاد وقالت للصغيره فاطمه : يمه فطوم ليه تحكين شعرك دايم أشوف يدك في شعرك تعالي بمشط لك ..
.
.
الشعر مترابط ومنكوش ..ذهبت واحضرت المشط الخشبي ذو الأسنان الطويله و زيت نارجين الأخضر واغرقت شعر طفلتها فإذا بجيوش القمل تزحف وتلمع مع الزيت والبنت فرحه مستبشره وتقول : يمه بخليه يقول طق أنا بقتله كله
.
.
وفلوس التي تحب الثرثرة والكلام أصيبت بالبكم فهي لا تتكلم بل تتألم فقط ..!
.
.
قالت في نفسها هااااااه أخيط للعالم وأعتني بأولادهم وأولادي حفاة كأنهم أيتام ..!صدق باب النجار مخلع !
.
.
ملئت الزير الكبير بالماء وأغتسلو جميعاً بالسدر وغيرت ملابسهم وخاطت القديمه ..وتناولو العشاء هم ووالدهم الذي تناول دواءه فأخذ يدعو لفلوس بالصحة والعافية فهي لم تعد تقصر ..!
.
.
ولكن الدواء على وشك الإنتهاء من اين لهم بالمال إنها تصرف من إدخار عملها السابق شقاها السابق ..الآن .....لكن غداَ ماذا ستفعل ؟؟؟
.
.
قامت وفرشت الحفة زاهية الألوان كتلك الشعبية العتيقه ..ونام الجميع مع والدهم الذي لا حول له ولاقوه وفلوس أخذت تغطي هذا وذاك وتحكي للصغير وفاطمه حكاية الذيب والخرفان ..!
.
.
أنتهت من حكايتها فإذا بالصغير نائم والكبير نائم والأب كذلك وفاطمه تنام مبتسمة ولأول مره لاتحك شعرها !
.
.

أنهت كل أعمالها وأتى الليل الذي قلب عليها المواجع فهدوء الليل أثره عجيب .ساحر يجعلك تعيد كل حساباتك ولكن حاول أن تصغي لناشئة الليل ولو مره !..!
هاهي تنظر اليهم وهم نائمون وهي تفكر في كل شيء إلى أن اصيبت بحالة هستيرية وأخذت تبكي ..

فإذا بمريم تأتي إلى والدتها وتسألها ؟؟
.
.
مريم : يمه يمه بسم الله عليك فيك شي ؟يمه أول مره اشوفك تبكين كذا يمه وش فيك لا تبكين يمه ..
.
.
فلوس وهي ترفع راسها بهدوء وقد أغرورقت عيناها بالدموع : مريم إنتِ مانمتِ للحين ؟؟
..
.
مريم : لأ يمه أحس بثقل لا أقدر أنام على الجنب اليمين ولا على اليسار ولا على ظهري تعبانه يمه أنام وأنا قاعده ..!
.
.
فلوس : اليوم كان أحد عطاني كف وصحاني من النوم ..!
مريم : صحاك من النوم ؟؟؟؟يمه أي نوم إنتِ أصلاً مانمتي من امس تغسلين البيت وتنظفين وحتى ابوي صار لك فتره إنتِِ تغيرين له وتعطينه دواه مو أنا وحتى أخواني ناظري فيهم تغيرو للأحسن أجسامهم النحيله تحسنت وحالهم يمه تغير الي يشوفهم يعرف .
.
فلوس : تدرين من متى صار هالتغيير ؟ من يوم قعدت في بيتي أرعاكم ..أنا مقصره معكم يامريم ومع ابوك واخوانك الي غدو كأنهم خيال عيال الطلب والشحذ ...
.
.
مريم حملك هذا قعدني في بيتي غصب عني وصحاني من كابوس كنت عايشه فيه ...!يعني خيره زواجك من أبو محمد خيره يمه ..!
أحس إن هالي في بطنك جاي بخير كبير غير عن الورث وعن الفلوس لااااافيه ناس ينولدون بخير ثاني خير وبركه لأهل البيت أصلاً أبوه الله يرحمه كان شاعر والولد بيطلع شاعر مثل ابوه سبحان الله عياله كلهم ولا واحد طلع مثله كلهم مافي قلوبهم ذرة شعور ....
.
مريم : كان شاعر ؟ الله يرحمه ..واستطردت مريم كلامها وقالت:
يووووه وحتى لو ماكان شاعر يمه للحين تلومين نفسك على زواجي أنا يمه كنت راضية بكل كلمه قلتيها لي وبكل إختيارمنك لي يكفي يمه شغلك وتعبك وإهانتك عشاني وعشان أخواني وابوي
يمه عمرك ماقصرتي معي ولا مع اخواني ولا مع أحد لا تبكين يمه تكفين لا تبكين ...
.
.
فلوس : ياربيه أحس قلبي يتقطع ..
.
.
مريم بصوت عالي : يافلوس أرفعي راسك ترى كل هالبيت والي فيه يبكي إذا بكيتي إنتِ وينهار إذا انهرتِ يمه إنتِ قوية قوية وأقوى أم شفتها في حياتي
.
.
فلوس : الله يخليكم لي يارب ...قومي نامي هالحين يالله قومي طفي الفانوس ..
.
.
أخذت مريم تصارع النوم والثقل حاولت مريم ان تنام حتى غلب النوم ثقل الحمل فنامت على جنبها ..أما فلوس أخذت تنظر لمريم وحالها مع الحمل وتعبها وثقلها وشقاها فرحمتها وبكت مرة أخرى ..!
.
.
.
.
.
.
.
قالت الأم لابنتها
إنه شاعرٌ
شاعرُ
فهل يفتح الشعر بيتاً ؟
وهل يدفع الشعر أجر الطبيب وأجر الدواء ؟
قالت البنتُ يا أم
هل يفتح المال قلباً
فأسكنه
في صقيع الشتاء؟

<<<<<باقي القصه حبايبي في المساء اكملها ان شاالله ويارت القي تفاعل منكم

وين التكملة منتظرين بفارغ الصبررررررررررررررر

روعه اكملي

القصة جناااااااان وانا كد سمعته من امي بس مختصره مرررررررره الله يخليك لا تطولين كمليه لنا