حائرة!! @hayr_6

محررة

عيالي والا مشاوير الرياض !! شوروا علي

السلام عليكم

مممم بقول لكم سالفتي يمكن القى من احد شور يريحني مليت من المشاكل مع زوجي على المشاوير كل صبح

الحاصل اني انا وزوجي موظفين بمستشفى ودوامنا من 8 حتى 4.30 العصر
وحاليا ساكنين بجنوب الرياض قريب من اهلي عشان احد عيالي عن امي,,, ( ماعندي شغالة )
عندي طفلين واحد سنتين
والثاني 4 شهور

وبصراحة تعبنا مع زحمة الرياض نطلع 5 الفجر ! ونرجع على 5.30 او 6 المغرب احيانا !!
مافي وقت اخدم زوجي او اطبخ,, عيالي وقتي معهم قصير
ايام ماكنت بالشمال المشوار كله ربع ساعة ( قبل اولد )

والحين طلع لنا سكن بإسكان المستشفى يعني نروح ونجي برجلينا !!

والله تعبت مشاكل وضياع وقت بالمشاوير
وصرنا مانطلع نتمشى ولا شيء لان وقتنا ضايع

المشكلة اني لو فكرت اجيب شغالة ما اضمن عيالي عندها ! ومافي رقيب عليهم
حتى لو كانوا بالسكن عندي,, بس مدري عجز قلبي يطاوعني

اقول اوديهم حضانة !! مدري هل فيه حضانات محترمة ونظيفة لاني اشوف حضانة المستشفى بذاتها كل الي فيها تعبانين اغلب الوقت

شوروا علي
:44:

يلزم عليك تسجيل الدخول أولًا لكتابة تعليق.

تسجيل دخول

nadoah • 14 سنة

الله يكون في عونك
شوفي اذا قريب منك مدارس حلوة روحي شوفي حضانتهم

راضية بقدري2 • 14 سنة

حافظي على وظيفتك يااختي
والله الدنيا صارت صعبه
وعيالك مسيهم يدرسون ان شاء الله ويكبرون
ويمديك تجيبين شغاله
والاحينحطيهم بحظانه

ام انووونه • 14 سنة

الله يعينك اذا تقدرين تتركين الوظيفه الله يعوضك بخير منها وهو خدمه بيتك وزوجك ورعايه عيالك

شموخ رجل • 14 سنة

انتي الحين في ظروف شوي صعبه ولازم تلاقين لك حل.. ومن وجهة نظري تسكنين قريب من عملك وتجيبي مربية اطفال لاطفالك وما عليهم الا العافيه ان شاء الله.. استودعيهم الله وان شاء الله ربي يحفظهم.. وعلى فكره فيه كاميرات مراقبه تقدرين تشوفين وش صاير في بيتك مباشر عن طريق النت من اي مكان بالعالم..

حائرة!! • 14 سنة

جزاكم الله خير

هل فيه استقدام بمسمى مربية ؟؟؟ وتكون فعلا مربية تهتم وتعطف
ما ابي مكتب يلعب علي

ومايهمني المصاريف المهم ارتااااااح واتطمن

والوظيفة لايمكن اتركها,,, مردودها مو لي ,, مردودها لعيالي بعدين ان شاء الله

والأخ شموخ,,, هل الكاميرات متوفرة بالسعودية او لازم اطلبها ؟؟