ع طاري القصص. هذي قصتي. ترى الدنيا مو جنة

ع طاري القصص الواقعيه.
بقولكم قصتي.
تزوجت وكنت اتمنى اسمع كلمة ماما.
تأخرت بالحمل خمس سنوات.
الناس ادري تتمنى لي الخير.
اللي يدعي واللي يسأل
واللي ترسل وصفات بالوآتس ووووو.
السنوات هذي احياناً تكون نفسيتي
تمام وامضي حياتي مع زوجي ومافكر
بالحمل. ويمر فيني وقت انكسر واضعف
بس الحمدلله هالشي قليل جداً ونادر يحصل
من فضل الله يريحني قيام الليل وسورة البقره. طمئنينه وراحه جميله
تزرع القناعه بصدري من بركة سورة البقره
يصير تفكيري انو اللي كاتبه ربي راح يصير
وهالشي الحمدلله انعكس ع شكلي
وعلى حياتي الحمدلله.
مضت السنوات الخمس وقبل تنتهي
السنه الخامسه حملت الحمدلله.
تعبت فترة الحمل ونزل معي دم بعد تمام
الشهر الاول
حسيت من شدة الحزن ان قلبي يطلع من مكانه كانت لليلة رمضان العام.
ماني قادره اوقف ع ارجولي من شدة الحزن
كنت رايحه عند اختي برتاح رمضان وبعده برجع عند زوجي
لاني بداية الحمل مو قادره ع شي
واخاف من الشغاله تقعد معي بالبيت لحالي وزوجي يروح لدوام.
المهم كنت عند اختي.
ونزل الدم انهرت لدرجة عجزت اوقف ع ارجولي. جلست وبكيت حسيت بشدة ضعفي وانكساري.
دعيت يارب قلت وقولك الحق
امن يجيب المضطر اذا دعاه.
يارب ان مضطره وفيني من الضعف والهم والانكسار مالا يعلمهُ سواك
يارب اجبرني يارب يارب استغيث فيك
وابكي بحرقه. وكل بكائي دعاااااااء
كانت اختي عند راسي تواسيني
وماارد عليها.
مابي اتكلم لاني بزيد بالحزن لو تكلمت.
بس ادعي ادعي ادعي وابكي
والله خلصت الدعاء وانتهى معه البكى
وحسيت براحه وكأنه مو انا اللي قبل شوي
قالت اختي يلا بنروح لطوارى كلمنا
الدكتور اللي علاجتي عنده وقال جيبوها
لطوارى.
رحنا لطوراى وانا مطمئنه برغم ان الدم ينزل!!!!!
دخلت واخذت اشعه
قالت الدكتوره الحمدلله الحمل تمام😭
اللهم لك الحمد والشكر بكيت من الفرحه
رجعنا للبيت ومضت التسع شهور بين التعب والارهاق والايام الحلوه برغم من التعب.
ولدت وكانت ولادتي فجأه يعني قبل
الشهر التاسع بدايات الشهر الثامن.
احتجت عمليه.
قيصيري والحمدلله تمت.
من فضل الله ولدت تؤام ولدين.
بس ماشفتهم 😭دخلوا ع طول العنايه
لانهم ع التنفس الصناعي.
بقيت بالمستشفى اربع ايام.
زوجي راح شافهم بس عليهم زجاج وممنوع يلمسهم.
طلبت اشوفهم بالبدايه زوجي قال ارتاحي
وبعدين تروحين تشوفينهم بس تعبت
من شوقي لهم.
اول خطوه لي بقسم العنايه للمواليد
حسيت فؤادي فارغ وخطواتي ثقيله
بلبس البالطو والكمام والقفازات
وماني قادره اشيل جسمي ولا اتحرك
بس انهرت بالبكى كان الدكتور سوري
الله يجزاه خير ويسعده.
قالي ليش تبكي لو كانوا تعبانين صدقيني
ماراح نعلق قلبك فيهم.
مشيت لزجاج اللي هم فيه اول ماشفتهم
سقطت ع ركبتي مو قادره اتحرك
كنت جايه لهم مشي وماحسيت بالمسافه بس اول ماشفتهم وبيني وبينهم زجاج
ذاب قلبي وكأن فيه احد يسحب قلبي بين ضلوع بيدينه😭
اجتمعوا دكاتره وممرضات ماذكر كلامهم بس احس بوجودهم.
طلعت من عندهم وفؤادي احسه فارغ
لدرجة امشي وامسك الجدار وحره بصدري.
انتهت الايام اللي لي بالمستشفى طلعت
وهم لازلوا بالعنايه
طلعت وعرفت معنى واصبح فؤاد ام موسى فارغاً 😭💔
كنت امشي واستقبل الناس والتبريكات
وفؤادي فارغ ناس قريبه وبعيده وانواع الهدايا
وانواع الجلسات بس فؤادي فارغ
اذا جاء وقت النوم ناموا خواتي
وانا اتقلب يمين ويسار وابكي واتخيلهم
اتصل ع المستشفى ويطمنوني
وارجع اكمل البكى لين انام.
تمر الايام وكأنها سنين دايم اقول
لا تقولون الايام سريعه
قولوا ( يارب لا تهممنا الوقت )😭
لان اللي عنده هم يحس الايام ثقيله.
انا احس اليوم عن خمس ايام 😭
الصباح يوم والظهر يوم والعصر يوم
والمغرب يوم والعشاء يوم
ارجع اسأل خواتي احنا اليوم إيش ؟!
يقولون مثلاً الاثنين ارجع بعد كم ساعه
اسألهم
يقولون سالفه او اسألهم عن شي
يجاوبني. بعد بأقل من نصف ساعه
ارجع اسأل 😭
برغم اني اشغل نفسي الحمدلله
بالذكر والاستغفار ولولا رحمة ربي
والا رجعت جنبهم بالمستشفى.
بعدما الحمدلله اجتازوا مرحلة الخطر
ونقلوهم للحضانه رحت شفتهم
و اول مره يديني تلمس يدينهم
حسيت برجفه حضنتهم لين حسيت
ان روحي ودمي بدا يرجع بجسمي.
طلعوا للبيت بعد كمن يوم من الحضانه
ومر اسبوعين وكنت افتح عيوني واشوفهم
وابتسم وقول الحمدلله وارجع انام.
ثاني اسبوع تعب منهم واحد.
ضاق عنده التنفس وصار لونه يميل للازرق
اخذناه بسرعه لطوارى وعلى طول اشعه
قالوا عنده التهاب باالرئه.
كفكفت دموعي وبديت ادعيله
قالوا تنويم ونقلونا قسم التنويم
جلسنا اربع ايام خلال هذي الايام
كان زوجي يخفي عني حقيقة مرض ولدي !
وانا ع بالي التهاب بالرئه وخلاص.
الى ان جت الحظه اللي عرفت فيها
قالت لي الدكتوره ليش ماسويتوا له تحليل
كروسومات؟!!!!!!!!!
قلت يعني إيش كروسومات.
قالت ولدك عنده اشتباه متلازمة داون
كنت واقفه وجلست بدون شعور
كتمت دموعي.
وجاء طاقم ياخذون تحاليل شامله ع ولدي
وجسمه ضعيف جداً ونحيف جداً
والدم قليل جداً
من الساعه اربع الفجر الى الساعه تسع ونص الصباح يحاولون يسحبون كميات من الدم يطقونه بالابر من ارجوله ويدينه بكل مكان 😭
وربي الكون حسيت بضيقه بتفجر صدري
بكيت وكتمتها لين حسيت اني ابلع جمر
وانا اسمع صراخه ونظراته ماتفراق عيوني
طلعنا من المستشفى وبعد ثلاث ايام
تعب ورجعنا اجلست عند ولدي وحده
من خواتي لاني تعبت من العمليه
مضت الايام ورجع ولدي للعنايه
واطلعت اختي.
طلع من العنايه وقالوا متابعه بقسم التنويم
لمدة ثلاث ايام.
جلست عنده حسيت بقربه اخذته بحضني
كنت اتأمل عيونه
يوم واحد وبعده تعب ورجعوه للعنايه
وانا طلعت رجعت للبيت
كنت امشي وكأن جبل ع ظهري وقلبي
موجوع.
بعد شهر طلع الحمدلله.
تحسنت حالته من فضل ربي
😭قلبي متعلق فيه لدرجة ماتوصف
عنده عمليه بيسوونها لقلبه فيه فتحه كبيره
دعواتكم.
متلازمة داون صحيح الخبر صدمه
بس هم جنة الدنيا
اطفال قمه بالجمال والرقه😍
يارب احفظه بحفظك ياكريم.
الخلاصه هالدنيا فيها ايام حلوه وايام حزينه
ايام نفرح فيها وايام نحزن فيها
لانها دنيا مو الجنه !
تعلمت
تعلمت كلمة (يزول البلاء ويبقى اجر الصبر)
تعلمت الصبر والتمسك بالقرآن
والصلاه الخاشعه. مصدر قوه وثبات
تعلمت ان الصبر الجميل هو الرضاء
بالقدر.
الحمدلله ع كل حال.
الحمدلله في السراء والضراء