غريبه باقي لها سنه وشهرين

السلام عليكم
العامله حقتي باقي لها سنه وثلاث شهور وتسافر
كانت كل شهر تعطيني ١٤ اشتريلها فيتامين
المره هذي عطتني ٢٠٠ ريال قالت جيبيلي ٢٠ حبه منه اعجبني ابي اخبي منه واخذه معاي اذا جيت اسافر قلت لها طيب اشتري كل شهر واحد واذا جيتي تسافرين شرينا مجموعه تونا باقي لك سنه وثلاث شهور لكن هي اصرت وازعجتني قلت مو مشكله الى الأن عادي
جتني قبل شوي معها مبلغ الفين ريال قالت لي بتقضى فيهم ملابس الأطفالي واللعاب
قلت ياحرمه توك باقي لك سنه وثلاث شهور وتسافرين تونا ابد ابشري اذا بقي لك شهر وتسافرين وحجزنا تذكرتك ابشري اوديك تشترين كل اللي بخاطرك ولاتزعلين
لكن مصره الا تبيهم الأن بتحتفظ فيهم
قام ابليس يلعب براسي قلت لايكون ناويه تشتريهم وتزبط وضعه ثم تقولي خلاص اكتفيت انا ابي ارجع ديرتي ولا بالله وش معجلها تبي تقضى الحين
حاولت اقنعها تأجل وابد ماتبي الا الحين قالت بكرا انا اكتبلك بورقه تجيبينهم لي انا مالي خلق اطلع قلت انا وش عرفني تعالي معاي قالت لا انتي روحي جيبيهم انا ما احب اطلع واكتب لي ورقه وش طوله
ماعلينا لكن اخواتي تتوقعون ناويتها ترجع ولا عادي وطبيعي
لأن انا ماعمري جبت هذي اول عامله تجيني واتذكر عند اهلي مايتقضون الا اذا جو يسافرون ضاق خلقي قلت تروح مو وقتها ابد والله الله اعلم وش براسها الله يستر