غلطت في شي؟

السلام عليكم
بنات امس كنت انتظر صديقتي تزورني
انا ساكنه فوق اهل زوجي
المهم ولدي كان نازل يلعب مع ولد عمه
وانا اشوفهم من الشباك الي يطل ع الحوش
يلعبون بالسياكل وجالسه سلفتي (ام العيال الي يلعبون مع ولدي ) تتقهوى معهم بالحوش
شفت ولدها الكبير بالابتدائي راكب سيكل ولدي وولدي يبكي ويصيح وهي ساكته ماحركت ساكن
ناديته من الشباك قلت يافلان انزل
يقال استحت قالت يافلان انزل ونزل
جاء ولدها الثاني الي كبر ولدي ركب السيكل وطاح بولدي ضرب وضربهم متوحش
وهي سااااااااااااااااااااااااااااكته
عاد دقت صديقتي قالت افتحي الباب
نزلت افتح لها الباب ولما صعدت لقيت خالتي ام زوجي داخله شايله ولدي غرقااااااان بالدم
ومنسدح على يدينها
قالت لي ياعلك بالموت يغلا ياعلك بالموت
انا احسب ولدي مات ولا انكسر ظهره ولا صدمته سياره
ماعاد اقوى اوقف
انعميييت صرت ابكي واضمه ويديني امتلت دم
قالت عيال فلانه دفوه من السيكل على الدرجتين الرخام الي ع الشارع وانفتح راسه
ابوه كان نايم قعد على صوتي
شاله وداه المستشفى وعيا ياخذني
وصديقتي جت بتطلع ترجع لاهلها بس خالتي مسكتها وجلستها
انا ماتمالكت نفسي
رحت شقه سلفتي الكلبه الي من صار الموقف انحاشت وسكرت شقتها ماعطاها ضميرها ع الاقل تعلمني
تخيلوا خالتي لقته صدفه تقول شفتها وهي طالعه وفقدت ميشو ماطلع معهم لقيته دايخ وطايح بالارض ويصيح وكله دم
المهم ماتمالكت نفسي رحت على سلفتي وهاوشتها وصرخت عليها انتي لاعاد اشوفك انتي وعيالك وسب وهواش
وسكرت الباب بقوه وطلعت
انا اعترف اني غلطانه يوم نزلت ولدي بلحاله يلعب بس كسر خاطري يبغا يعال عمه
وماقدرت انزل عشان خويتي فيه بس هالحين حلفت قدامهم ولدي ماعاد ينزل حتى لو جوا ياخذونه مافي الا معي
بس الانسان لازم يصير عنده ضمير اذا هي تكرهني وش ذنب ولدي تخلي عيالها يضربونه وماتدافع والله ان ولدها لما يجي عندي ويضرب ولدي اخاف الله فيه وادور الستر واهاوش ولدي عشانه بعدين ولدي طيب مسيكين بشهاده الكل مايدافع عن نفسه وعيالها وحوش
وشرايكم انا غلطت معها
هي راحت لخالتي تقول لها مو عيالي عيال الجيران
حت لو عيال الجيران
خل عندها ضمير تجي وتعلمني مو تتركه ينزف بالشارع لو دايخ ولا جايه شي
لان مكان الجرح خطير من راسه من ورا عند الرقبه مكان المخ ربي ستر احمد الله الف مره على سلامه ولدي