غلطه عمري ,,,,,,,,

كنت جالسه في بيت خالي في الاجازه وسهرانه لين

الفجر بعد ما كل نام مالقيت

شي اتسلى فيه غير مجله وانا قاعده اتصفحها

جاء خالي فهد من صلاه الفجر وقعدت

اسولف




معه وبعدها لقيت اسئله من ضمنها سؤال

وش اكبر غلطه غلطتها في حياتك ,,,,قريتها

وانا اضحك مع خالي لكن كانت اجابته مثل السكين

اللي جرحت كل حاجه حلوه عندي


قال ,,,,,,,,,,,,,,,,,,,,,,,,, كان احلى واجمل

حلم ومازال كل شي يذكرني فيها

كل حاجه حلوه تعنيها وكل بسمه احسها منها

هي ومافي غيرها يحرك مشاعري .....


وضحى تعني لي الحياه بحلوها ومرها

وضحى لها طابع خاص وعالم يعنيها


ايامي معها غير وحياتي معها غير

اه ياايام المراهقه والاحلام كانت من اجمل احلامي

واليوم من اقسى ذكرياتي

كبرت بنت خالي وكبرت في داخلي معاني كثيره

كنت اخاف من اني ما اقدر اتزوجها

وافوز فيها اجتهدت وتوظفت

احرص اني ارضي خالي باي طريقه كل لعيون وضحى

تقدمت لخطبتها وانا في اشد حالات


الخوف وكنت ادري بحبها لي ومتاكد بعد انها تموت

في التراب اللي امشي عليه المهم كانت مهلت الرد

صعبه جدا جدا جاتني امي زافه لي


خبر الموافقه فرحت فرحه ما وسعها الكون حسيت


كل العالم فرحان عشاني جهزت

عش الزوجيه واستعديت وكنت اعد


الايام والليالي وكانت فرحت العايله فرحتين انا

واخوي سعد زواجنا في ليله وحده


جاء يوم السعد وزفوني لحلم عمري زفوني


لنظر عيني وضحى كان الشوق اكبر من مما

اتوقع


كانت احلى من مشى على وجه الارض كانت احلى البنات

جمال وبرائه ونظرات الطفوله في عيونها عشت


معها احلى ايامي كانت تحبني حب

اخاف عليها منه حبتني اكثر من ما حبيتها ....


اه ياايامي معها تحب ما انطق الا اسمها ولا اطاب الا منها


حتى لو كان بين خلاف بسيط

مثل كل الازواج تحضر لي ملابسي واكلي بدون لا اطلب


عارفه وش ابغى وفاهمتني

دون لااتكلم ؟؟




فرحتي فيها وبقربها شي غريب وزاد تعلقي


فيها يوم دريت بحملها يالله احلامي تحققت

كنت اشكر ربي وادعي انه يحفظ لي هالنعمه عدت الايام


وبطنها يكبر ويكبر حلمي معه

قربت ولادتها وكنت خايف عليها وبجنون والكل ملاحظ

الا اني ما اخجل اني اعترف


بحبي وخوفي عليها ,,,,,


ولدت نظر عيني وجابت لي بنوته وعطيتها الاسم

وكانت تقول لولا الناس كان سميت

بنتي فهد ؟؟؟؟

ضحكت عليها يابنت الناس انتي انجنيتي ؟؟؟قالت نفسي انطق


اسمك في كل لحظه لما

العبها واناديها واغني لها ابي انطق اسمك ...



المهم رسينا على امل وكانت تشبه امها وبقوه



مرت الايام وهالمخلوقه يزيد حبها

في قلبي

وكل حاجه مقدره من رب العالمين ,,,

في ذاك اليوم المشؤم جانا خبر اخوي سعد الله يرحمه توفي في

حادث يالله من ذاك اليوم


التعيس انهارت امي وابوي وزوجته وولده الصغير

ماانسى نظراته وسط دموع
وصراخ


والحمد الله على كل حال قعدت مرت اخوي سعد


فتره الحداد عندنا وبعدها راحت لهلها



وانجت امي وابوي على الصغير وصار ابوي

يتردد عليهم وامي المسكينه مرت سنه



بالظبط على وفاه المرحوم وجاني ابوي وصدمني بالخبر


هزني وبقوه الي يافهد


تزوج مرت المرحوم سعد جلست اناظر في ابوي هو يمزح او


جاد حاولت استوعب


اللي ينقال لكن ؟؟؟ ما خليت ابوي يكمل كيف اقدر اخذ زوجت

اخوي ؟؟؟


يستحيل مجرد ان الفكره تمر علي

طلعت وخليت ابوي يتكلم واليوم الثاني نفس الموال والثالث

والرابع لين ما كرهت البيت


وصرت اتحاشى اقعد معهم عشان هالموضوع ما يتكرر ,,,


طبعا وضحى ما تدري عن السالفه ابدا جد كنت خايف عليها

وفي يوم جيت اسلم على ابوي وطردني وامي بعد حاولت لكن ’’’’

قالت امي ان ابوك يقول ياتزوج مرت المرحوم والا عينك لا

تشوف عينه

حاولت اني امسك نفسي وقعدت اسبوع وانا اتردد على ابوي وما فيه فايده وحست وضحى ان فيه شي حاصل لكن ما بينت لها,,,,