غيرته 180 درجه

السلام عليكم ورحمة الله وبركاته
حبيت اقول هذا الموضوع سبحان مغير الاحوال
البارح كنا معزومين على مناسبه تدرون ايش المناسبه قريب لي من الدرجه الاولى زوجته مسويه له عزيمه عشان حفظ القرآن
...
الشخص هذا كان قليل فيه كلمة سربوت وداشر وزجارته ماتطفي وانسجن بقضية مخدرات خطب كذا خطبه وماحد زوجه
وصل عمره 33 وكل الناس تكرشه إذا خطب ،، لحد مجا عند هذولي الناس وجوزوه وكانو مايعرفونه زين وكنا كلنا نقول مسكينه وهقوها وورطوها كنت انظر لها انا والناس نظرة الشفقه وننتظر نهايتها معه
...
انقلب الزوج 180 درجه وترك الدخان بعد زواجه بشهر لازم المسجد كان من اول مهدد بالفصل لكثرة تغيبه عن عمله صار شخص نظامي في عمله
دخل تحفيظ قران وتنافسو هو وزوجته على حفظه وهو اتم حفظه وهي باقي لها 8 اجزاء متزوج من 5 سنوات
والان يأم الناس في المسجد
....
انا قريبته من الدرجه الاولى واعرف عنهم كل شي يحبها ولايردلها اي شي تطلبه حتى مايزورنا إلا هي معه
واحد من اخواني يمازحه قاله ابو فلان عقبال ماتسويلك الثانيه عزومه
قال اموت وام فلان ماخذت عليها سبحان الله كيف قدرت تغيره الكل مستغرب