كلمة 77 @klm_77

محررة

♨ غيـــرة المرأهـ ♨

بسم الله الرحمن الرحيم

غيرة المرأة

على لسان البنت اللي شافت الموقف

تقول : وأنا أصلي بالحرم الا بذيك الحرمه الكبيره بالسن اللي تصلي وتبكي

تصلي وتبكي وتدعي وتبكي

انا استغربت منها وقلت اكيد لها سالفه وكان كل مابين فتره يجيها ولد شاب يكلمها ويروح ويشوف وش تبي

انا اخذني الفضول بصراحه وجلست بجنبها وسألتها ليش تبكين عسى ماشر

قالتلي مافي شي , أنا أصريت وسألتها مره ثانيه سكتت شوي بعدين قالت والله من العذاب اللي فيني

ليش؟ وش السالفه؟؟!!

قالتلي اقولك قصتي وبعدين احكمي

كنت متزوجه من زوج ونعم الازواج يحبني ويحترمني ويعزني

بس كان فيني عيب اني ما اجيب عيال وانا حاولت بس الله مارزقني فشرت عليه انه يتزوج ثانيه هو مارضى فالبدايه بس انا قعدت احن واحن الين وافق

فدورتله على الزوجه وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها و فتره بسيطه الا والمره حامل زادت غيرتي

المهم جابت له ولد الزوج استانس وفرح وقعدت انا افكر بنفسي كيف انا اللي شرت عليه

في يوم جاني زوجي وقالي بسافر مع مرتي الثانيه وبنخلي الولد عندك

ووافقت طبعا لانه مافي احد يمسك الولد غيري

سافروا وخلو الولد عندي وكان الوقت شتا وكنت شابة الجمر

والولد عمره تقريبا سنه وكم شهر وهو يلعب ويطامر قدامي

وانا بقلبي نار تشتعل مثل الجمر وشلون ياخذها ويسافر ولا !! ويخلي الولد عندي ومن هالكلام وفجاءه الا الولد يمد يده بيلعب بالجمر ومن ناري وغيرتي مسكت يدينه وحطيتها اكثر بالجمر اليين ذابت يده وهنا شلتها بعدها مايحتاج اقولك اشلون صارت يد الولد

وكذا حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث

وظليت بروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره

هو اللي يشوف طلباتي وطلبات البيت ومو مقصر معاي بشي

بس انا كل ماشفت يده يتقطع قلبي على اللي سويته فيه وهو يناديني يمه بس الى الان ماقلتله اني انا اللي شوهت يده

ولازلت اعاني من العذاب وتانيب الضمير وادعي ربي يغفرلي ذنبي

سبحان الله وشلون حكمة ربك انه صار خير لي لولا هالولد كان انا حالتي حاله

ويرد يجيها الولد وهو مخبي يده ويحب راسها ويسألها

هـــــــــــــــــــــــــــــــــــــــــا يالغاليه نروح الحين

(وعسى ان تكرهوا شيئا وهو خير لكم)

م / ن

908

يلزم عليك تسجيل الدخول أولًا لكتابة تعليق.

تسجيل دخول

دموعي حساسة • 12 سنة

السلام عليكم
قصه حلوه

منال _200 • 12 سنة

القصه تقهرررر
مدري كيف بتنسى وهي كل شوي تشوف الولد
الله يغفرلها

كلمة 77 • 12 سنة

الله غفور رحيم

بس اهم شي لو يصير مايصير بين الضرات او الازواج

الاطفال مالهم علاقه بالمشآكل نهائي

هذولي احباب الله رمز الطهر والبرائه

يعني لو كل وحده مسؤله عن اولاد زوجها تستحضر يوم العرض / تتقي الله

وتتخيل مثل هالقصص ماتدري يمكن يكونو ابر من اولادها

او ارأف من اهلها لو كانت بدون اولاد

لاتدري لعل الله يحدث بعد ذلك امرا

ام رمووووووش • 12 سنة

يالله ما ادري ادعي عليها والا لها لاحول ولا قوة الا بالله

كلمة 77 • 12 سنة

ام رمووووووش :

يالله ما ادري ادعي عليها والا لها لاحول ولا قوة الا بالله

يالله ما ادري ادعي عليها والا لها لاحول ولا قوة الا بالله

ليه ندعي عليها

لاننسى انها كفلته بعد موت والديه ’ سيئه مقابل كثير من الحسنات

والحسنات يذهبن السيئات

ومعصيتها كانت سبب في انكسارها وتوبتها ودعائها

كلنا نمر بأوقات نعصي الله فيها وباب الغفور مفتوح

مايغلق الا عند انتزاع الروح !!

اشكر للجميع تشريفهم