فاتك النص من رمضان ...ولا تزعلي ..بقول لك شيءيرضيك وبتدعيلي

السلام عليكم ورحمة الله وبركاته
كيف الاحوال يا اخوات....
بداية.....
انا باكتب الموضوع بصورة عادية عفوية من غير تكلف
ولا اساليب ****ئية...او....
يعني كاني بحكي مع اختي او صديقتي ....
لاني والله من روح التعاون والتناصح والمحبة في الله
اللي لمستها في هذا المنتدى الطيب
صرت احس حالي لما ادخله كاني في البيت مع اخواتي او صديقاتي
اللي ما اعرف عنهم غير اسم مستعار
لكني احسهم قراب مني وكاني اعرفهم من زماااان....:26:

ندخل في الموضوع....
هذا النص من رمضان عدى وراح....
والله الايام تجري جري....واحنا مانا ملحقين على شيء
ما راح اعدد لكم فضائل رمضان
وقيمة الاجر والثواب فيه....
لاني ما اعتقد لسه في احد ما يعرف هالشيء
والاخوات جزاهم الله خير ما قصروا من قبل رمضان وهم منزلين مواضيع
تبين الفضل والاجر وتشحذ الهمم وتنصح وتوعي
والشيوخ والدعاه جزاهم الله عنا خيرا كمان ما قصروا من قبل رمضان وللحين
بس المشكلة فينا احنا ....
دائما بننفعل بسرعة وبقوة ونتحمس وشوي هيك ونرخي ونفشل ونبدا بالتراجع شوي شوي ....
يعني محتاجين على طول شحن ودفع ومتابعة وتوصيات....
15يوم من رمضان صحيح ماهي قليله
وما اقلل من شانها ...
لكن الامل لسه موجود في ال15يوم الباقية
نقدر نعوض فيها اللي فات ويمكن نزيد
وسبحان الله كلكم تعرفوا ان العشر الاخيرة بيكون فضلها اكبر واعظم
سبحان الله احس كانه ربنا بيمنح فرصة جديدة للي فاته اول رمضان
عشان يعوضه في مدة قصيرة
والله ربنا رحمته واسعة وفضله عظيم لكن احنا اللي بنبخل نفوسنا ونحرمها
عشان كده يلا نبدا من جديد ونجدد النية ونعلي الهمة
ونبدا باخطر واكبر اعداء خاصة لينا يا الحريم
النوم ...التلفزيون ....المطبخ
يعني اللي يقضو طول اليوم بالنوم وما يصحوا الا مع الظهر ويمكن مع العصر
لييييش كل هذا ....والله ساعتين ثلاثة كفاية...وبزيادة كمان
يعني اللي تصلي الفجر وتنام ....ليش تظل للظهر او العصر
لو تقوم الساعة8 او 9 بتكون نامت شي ثلاث ساعات او اكثر اعتقد كفاية
ولما تقوم تقدر بهالوقت تصلي الضحى وتقرا لو نص حزب قران وتدخل المطبخ تحضر
اللي تحتاجه للفطور حتى تخفف على نفسها الضغط بالعشية وفيها تلف على شغل البيت
وهي تردد اذكار او حاطه شريط قران او برنامج هادف على الTV
حتى اذان الظهر تصلي وترجع تنام لقبل العصر بشوي يعني شي ثلاث ساعات كمان نوم
وتدخل المطبخ تلاقي العملية سهلة لان كل شيء محضر من الصبح ما عليها غير تولع الغاز
كمان بالليل ليش تقضونه كله سهر ....وبكذا ما تقدرون تصحون بالنهار
ليش ما تنامون كمان شي ساعتين ثلاثة وتقوموا قبل الفجر بشي ساعة او ساعة ونص وتصلوا بنشاط
ويمكن يمديكم تفضلوا لحتى وقت الضحى وتصلوا وتناموا مره وحدة وانتم مرتاحين البال

كمان التلفزيووووووون.....
بياكل الوقت اكل.....
يا سيدي اصبروا شوي بس ....والله بعد رمضان كل شيء بينعاد
وحتى اللي ما ينعاد لازم تفهموا انه مواهم من هالدقائق والساعات المعدودة من رمضان
واللي اذا راحت ما بترجع ويا عالم يمدينا نحضر رمضان ثاني ولا لا
والله اذا بتحضري برنامج هادف بيعينك على الطاعة والعبادة
بيقوي عزيمتك ويرفع همتك ومنه تغيري جو بشيء مفيد وهادف وتضربي عصفورين بحجر واحد
والله خير وبركة ....اما غير كذا .....ممنووووووووع
حتى هالبرامج الهادفة لا تكون على حساب صلاتك ووردك من القران وعبادتك
ها... انتبهوا...احنا بنسابق الزمن ....وما ظل معنا وقت كثير...

والمطبخخخخخخخ......
ليييييش كل هالوقت فيه....ولييييش كل هالاصناف ....
والله كانه ماراح ناكل بعد اليوم ....
والمصيبة الاعظم للي يطبخوا وبعدين يكبوا اكثر من نص هالاكل ....
اطبخي مثل ما تطبخين بالعادة
والله رمضان مو ضيف جاي يفطر معاك حتى تسوي كل هذا
هو صحيح ضيف ...بس على العكس جاي حتى يقلل من اسرافنا وافراطنا
يعني خليك على عادتك او على الاقل اذا حبيتي تنوعي وتصنفي
اجتهدي انو ما يكون على حساب وقت العبادة ...يعني نظمي امورك وجهزي اغراضك
من الليل اومن الصبح او حتى اقتطعي من وقت نومك ....المهم مو من وقت عبادتك ...
وبعدين صار لك 15 يوم تاكلي من كل الاصناف ما فيها شيء اذا خففتي هالكام يوم الفاضلين
وتذكري دائما ....احنا بنلعب بالوقت الضايع

كمان الطلعات والخرجات والسهرات برا.....يا ليت تخففون منها شوي لا بل كثير
يعني الوقت اللي بتطلعي فيه اقعدي في البيت صلي التراويح... اقري قران ....رددي اذكار
والله حتى لو تنامي بنية انك تاخذي قسط من الراحة حتى تقومي اخر الليل
وما تنسوا ان احنا على ابواب العشر الاخيرة وصلاة التهجد
واذا لزم من الطلعة على الاقل لا تطولين وترجعي منهدة لافيك حيل تجيبي ركعة ولا تقري حتى صفحة من المصحف
واذا على صلة الرحم والله الجوال والسكايب ممكن يمشوا الحال هالكام يوم
بس كمان ها....انتبهوا من التليفونات ...عاد تنسوا نفوسكم وهات يا رغي وثرثرة

والمهم دائما اتذكروا اننا في معسكر وفي حالة استنفار والعد العكسي بدا.....

والله يا اخواتي النعيم لا يدرك بالنعيم
وما فيها شي اذا جينا على نفوسنا شوي ...وضغطنا عليها وحرمناها
لان الغاية سامية والهدف مافي اعظم منه
والله لو واحد فينا عنده امتحان كان بيسهر الليالي ويشرب القهوة والشاي ويضبط المنبهات
كله حتى يفضل صاحي ويذاكر ويمكن يبطل اكل وما يكون له نفس في شيء
وهو على هذا الحال حتى تطلع النتيجة ...
واحنا حالنا مع رمضان كانه امتحان عادي سهل ما يحتاج مراجعة ولا شي
لا وبعد متاكدين من النتيجة ...يعني راقدين على طولنا وهات ياسهر ووناسة
لما الوحدة فينا تقرالها صفحة ولا اتنين من المصحف بالنهار
وتصلي التراويح بالليل
وبعد كام يوم تخرج صدقة
خلااااص....حاسين حالنا كفينا ووفينا ....لا وبزيادة كمان...
انا ما اقلل من هالشي لكنه مو كفاية
هذا حتى في الايام العادية مو كفاية فما بالك برمضان ....
المفروض نختم القران اكثر من مرة ونصلي اكبر قدر من الليل ونخرج صدقة او نفطر صائم كل يوم
او على الاقل على حسب ما تسمح به قدرة كل واحد

يلا يا بنااات....خلونا نبدا من جديد ونعقد العزم ونعلي الهمة
خلونا نكثف من العبادات ونجي على نفوسنا ...ما فيها شي ....كلها كام يوم وبس
والله كانه امس بس واحنا نشتري الاغراض ونفرزن وحالتنا حالة ونحسب متى يجي رمضان
وبغمضة عين ....ويييينه ....فات نصه ...وبغمضة عين ثانيه ما نلاقي له اثر
بنلاقي بس يا رضى عن النفس ....يا تانيب ضمير وحسرة
والله مع صدق النية والاستعانة بالله ان شاء الله بنلحق
واقل شي ناخذ اجر النية
ولا تنسوا تشحنوا انفسكم بالبرامج الهادفة والمواضيع الحماسية من حين لاخر
والله قناة الناس ما شاء الله حاطة برنامج رااائع هذا العام
جامعة اغلب الشيوخ والدعاة الثقات ومنزله البرامج بصورة جديدة وخفيفة بحيث ما تملي من البرنامج
والمواضيع اللي حاطينهم الاخوات هنا بالمنتدى كمان عن رمضان وكيف نستغله

ادري طولت عليكم وهذرت كثير بس والله من حرصي عليكم كما حرصي على نفسي
اسال الله ان يجعلني واياكن ممن يستمعون القول فيتبعون احسنه
وممن يبشرون بروح وريحان ورب راض غير غضبان
اللهم اجعل عملنا كله صالحا واجعله لوجهك خالصا ولا تجعل فيه لغيرك شيئا
وتقبل منا انك انت السميع العليم
اللهم اعنا على حسن صيام وقيام ما تبقى من رمضان
واجعلنا فيه من الفائزين

غفر الله لي ولكن وللمؤمنين كافة
سبحانك اللهم وبحمدك اشهد ان لا اله الا انت استغفرك واتوب اليك


اضاااااافة

اخواتي الفاضلات جزاكن الله خيرا على مروركن الكريم ونفعني واياكن بما علمنا
بعد ما قريت ردود الاخوات لاحظت ان البعض يوقف عند نقطة النوم فحبيت ارجع لها
واتامل برحابة صدوركم
يعني الطريقة اللي حطيتها ما اقول انها طريقة نموذجية ولازم نتبعها اكييد انه كل وحدة على حسب قدرتها وجو بيتها ونظامها
انا بس حللت المسالة حتى ابين اننا مبالغين شوي بقصة النوم
وبعدين هو اصلا ومنطقيا النوم بيكون بالليل وبالقيلولة والحركة والشغل بالنهار
هذا الوضع الطبيعي اللي الله جبل عليه البشر
لكن احنا الله يصلحنا ويهدينا قلبنا الليل نهار والنهار ليل
والاخوات اللي قالوا انهم ما يكفيهم بس ثلاث ساعات والله انها مسالة تعود لا غير
لان الانسان بسرعة يتعود على الشيء وكمان بسرعة ينسى
يعني طبيعي انه الوحدة اذا بتغير نظام نومها وتقلل من ساعاته راح تتعب شوي وينكب راسها على اللي بين ايدينها ....ههههه
لكن والله مسالة وقت بس وتتعود واتروشي بمويه باردة من وقت للتاني واتحركي في البيت و....رجعيلي خبر ...هههه
والله عن نفسي احيانا من اقوم قبل الفجر الساعة 3ونص ومرة2ونص والله ما ارجع انام الين الظهر واحيانا احس حالي دايخة على قولتكم انام بعد صلاة الفجر مباشرة لكن والله بالكثييير 6ونص 7اصحى واكمل الين الظهر
انا لما اكون اصلي او اقرا قران والنوم يكب في وانا ما انكر هالشي اوقف قراءة واروح اعمل روحة وجية بالبيت اشيل حاجة واحط حاجة حركات بسيييطة وارجع والله الاقي نفسي نشطت من جديد
وها الايام ان شاء الله اقول لكم وش ناوية اسوي
راح احط جنبي طاسة موية بااااردة وكل ما شفت عيوني زغللت ولا حسيت النوم بيكبني
اروح مغسلة وجهي بها الموية وجربتها قبل وضبطت
هاااا.....وش رايكم بتجربونها

واكيييد ودائما وابدا لا تنسواااا الاستعانة بالله والاكثار من الدعاء وطلب العون والتثبيت من عنده
اللهم اعنا على ذكرك وشكرك وحسن عبادتك