فاجاني زوجي لما قريت رسالته كاتب فيها...

\\\\\\السلام عليكم حبيباتي ..

بصراحه كنت متردده اكتب سالفتي مع زوجي هنا بالمنتدى بس من الضيق اللي فيني والقهر فقلت مالي الا الله ثم بنات عالم حواء..
انا متزوجه تقريبا لي 6سنوات وعندي طفلين وحامل بالثالث ..وعمرري 26وزوجي 43سنه
السالفه ان زوجي من يوم ما تزوجته كان يمثل علي بالطوع والالتزام والخوووف من الله الين بعدها بفتره اكتشف وشفت ايميلين له كلها بناااات زعلت وضاااق صدري واتهاوشت معه وبالنهايه قالي انهم مجرد صداااقه وغصب عنك ترضين
وللاسف سكت وقلت عااادي بس يدردش معاهم كيفه وبعدها بسنه اكتشفته يكلم وصاير حبيب ومن كل البلاد يعررف وحده بامريكا وكم وحده ببريطانيا والباقي كلهم من جده والرجال شغال مغازل وحب وغررام ..

وحاولت بكل الطرق اني اجذبه وماقدرت من يوم خذته الين قبل 7شهور وهو طول وقته من العمل للبيت وكل شغله ع الكمبيوتر اقصد المغازل وهو مدرس شغله بس الصبح ومن 7شهور والرجال متطور صاير ماعاااد يقعد بالبيت ابد ياكل بس الغداء ومن العصر الين الليل وهووووو برااا يجي وقت النوم بس وكل مررره اكتشف ارقام بنات بجواله ولما اتصل عليهم ويردون واقول لزوجي من هذي يقول لي ليش تتلقفين وتفتحين جوالي واكل ضرب منه كاني انا اللي غلطانه مو هوووو طبعا وكنت اسامح واطنش واقول عشان عيالي لكن هالمره من اسبوعين اكتشف رقم وحده بفاتورة زوجي وكل يوم يكلمها ويقعد معاها بالساعات وهوو طبعا حاط لي تسجيل بجوالي وحاط لي بعد تسجيل علي تليفون البيت لان المغزلجي طبيعي يكون شكاك..ومن اسبوعين وهو متهاوش معااي لاني بس سالته ليش دقت علي صديقتي ورديت عليها ولا قلت لي وسواها زعله وليش تضيقين صدري بهالكلام وتنكدين علي يومي بهالسؤال وانا طيرت عيوني من كلامه المبالغ فيه..وخليته زعلان زي ماهو وصرنا متزاعلين وجو البيت صاير كئيب مررره ولا يطااق بالمرره حتي الشغاله ما بغت تقعد ومشت من البيت وانا ادرس وعندي طفل صغير بالبيت لازم شغاله تقعد معاه بس اليوم تفاجات انه كاتب رساله ورافعها عني كاتب فيها اسبابه اللي دعته للانفصال عني وانه يبرر انه جلوس الاطفال عنده احسن من انهم يقعدون عندي واني راح اشوفهم وقت الاجازات فقط والرجال مقرر ومخطط ع الطلاق والاسباب تافهه بحجه انه مل من المشاكل ويبغي يرتاح وانا ماني زعلانه ابد عليه لاني احس اني مو عايشه مع زوج يحبني ويقدرني مع اني ولله الحمد حلوه وانيقه بس للاسف ذيل الكلب اعوج
بس نفسي اعررف كيف اقدر اخذ اولادي منه بعد الطلاق لانه همجي وما عنده اسلوب بالتعامل مع الناس ولا مع عياله
فا اتمنى تدعون لي باللي فيه خير وصالح لي ولعيالي ....ح