فاقعين مرارتي

السلام عليم مساء الخير

ملاحظه شغله منتشره بشكل مستفز في كل مكان اشوفها في المجتمعات النسائيه الصغيره والكبيره
وفي المنتديات النسائيه وتقريبا صايره موضه اللي هي

التشكي :11:

تجيك الوحده تشتكي من زوجها ومن معاملته لها ولا تتردد انها تحطم اي وحده على وجه زواج ماتقصر
في النصايح اللي زي كذا < وشلك بوجع الراس والله ماشفنا من الرجال الا وجع الراس الله ياخذهم امرضونا
الرجال مايملا عينهم الا التراب ....الخ الخ

بالمقابل لو نصحتي الوحده منهم-- اللي يتشكون -- بتاخذ عنك فكره انك حسوده وماتبيلها الخير
وخرابة بيوت

ولو حست بزوجها متغير قالت بس نظلوني الناس مايعطون خير:icon33:

فلانه تسب زوجها وماتخلي مجلس ماقالت لهم فيه عن سواياه فيها ولو قلتيلها تطلقي مانتي مكلوفه
تتحملينه بدت تاخذ حذرها منك ومعد تقولك شي

هالنوعيه من الناس اللي ينشرون طاقه سلبيه بدون مايدرون ويخلون البنت من تنخطب تبدا توسوس
وتخاف وترتعب من الزواج علشان لايصير مثل ازواج الحريم اللي تشوفهم بكل مكان :huh:

ماتدري انهم عايشين مكرمين ومحد مثلهم وكل هالحركات علشان لاتنظل وناسيه حديث حبيبنا صلى الله عليه وسلم:024:

يَا غُلاَمُ إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ
وَإِذَا اسْتَعَنْتَ فَاسْتَعِنْ بِاللَّهِ وَاعْلَمْ أَنَّ الأمة لَوْ اجْتَمَعَتْ عَلَى أ
َنْ يَنْفَعُوكَ بِشَيْءٍ لَمْ يَنْفَعُوكَ إِلاَّ بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى
أَنْ يَضُرُّوكَ بِشَيْءٍ لَمْ يَضُرُّوكَ إِلاَّ بِشَيْءٍ قَدْ كَتَبَهُ اللَّهُ عَلَيْكَ رُفِعَتْ الْأَقْلاَمُ وَجَفَّتْ الصُّحُفُ

الله يكفينا شرهم ويكفينا شر وسواس العين :rolleyes:

باقي اسالكم وش رايكم في هالنوعيه ؟ انتم مثلي ملاحظينها كاثره ؟

استوعدكم الله

:kissa: