فترة الملكة هل هي ضرورة ؟؟؟

اللي اشوفه انها تكلمه هاتفيا بدون مقابله
تعرف طبعه وش يحب وش يكره
اما انهم كل يوم فراره بالشارع ولا بالمطاعم
صراحه ما اييدها

نفس راي الي فوقي مع ان قلبي يتلهف عالزياره بس يالله مو مشكله
وفتره الملكه ضروريه واشد من الضروي اذا كانت مو طويله
والمكالمات اايدها بس بحدود

لا طبعا ظروريه لانه تعارف وكل واحد يعرف طبع الثاني واخلاقه
هذا رائيي

لازم يكلمون بعض ولا هو ايي يزورها في البيت بس

واذا مايناسبون بعض خلاص كان الله غفور رحيما يعني على البر احسن من عقب الدخله

الحين الريايل تغيروا هل زمن مساوؤهم كثرت

لا بالعكس اهم مرحلة هي مرحلة الملكة اول شي يتعرفون على بعض ويكلمون بعض وهم ضامنين انه الي يسوونه حلال ومن المكالمات او الزيارات يتضح للاثنين اي شي ما يعجبهم في بعض والانفصال في الملكة اسهل من الانفصال في الزواج ع الاقل ما صارت فيه دخلة ولا عندهم اولاد

وبالنسبة لكلامج ان تعيش البنت كم شهر في عالم وردي وبعدين تنصدم انا اشوف انه مو سبب لكون الملكة مو ضرورية لان الزواج ايضا والشهور الاولى منه تكون احلى الشهور حتى إسألي اغلب البنات الي على طول من شوفة الى زواج راح يقوولون لج مثل الكلام لان كل شي بالبداية له فرحته و زهوته وبعدين يقل بس الحب ابدا ما يقل لكن يزيد مع العشرة والايام

وتبقى فترة الملكة من احلى ايام العمر للزوج والزوجة وفيها ذكريات حلوة لا يمكن انها ترجع وكفاية انكم تعيشونها بدون مسؤولية الزواج والبيت والاولاد يعني ع الاقل الوحدة من الملكة ولما تشوف رجلها او تكلمه تبدأ تهيئ نفسها انها بالمستقبل راح تكون زوجه له ببيته و عليها واجبات تجاهه