فرحانه وابيكم تشاركوني فرحتي بنصايحكم لي

كتبت لكم مشكلتي مع زوجي اللي صارت من اسبوع ..صحيح ان اعتذر لي بس في نفس الوقت جدا رسميه علاقتنا مايسولف معاي عن اي شي يخصه ابدا لأن فقد الثقه فينني
والبارح وقت النوم سألني انتي واثقه فيني ؟ قلت له الصراحه مو ميه ميه بس مريحه قلبي مابي افتش جوالك عشان مانصدم فيك واعكر مزاجي وسالني اذا جد نويت اتزوج ثانيه وش بتسوي قلت له انا وحده اشتري راحة بالي ماتحمل وحده تشاركني فيك ياأصير انا وحيدتك او ماصير لك وليلة زواجك تكون ليلة طلاقي مارد علي بشي
بس قالي بيني وبينك انا كنت فاقد ثقتي فيك بس من الليله اطلب منك نفتح صفحه جديده ونبتدي حياه ثانية كل واحد يثق فيني قلت له اوكي وكلمني عن اسراره وأشياء كثيره وانا قلبي يترقص من الفرحه الحمد لله يارب
دعواتكم بكره عندي اختبار انجليزي