فزعتكم يا اهل الرياض

المحمديه والرحمانيه وحي الورود والحمراءوالقدس والامانه >>هذي اللي تحضرني الحين واذا ذكرت شي بارجع

احسن احياء الرياض وحسب رأيي احياء شمال الرياض
واذا تبين حي قريب من الخدمات كلها والاسواق عندك:
حي الملك فهد
حي المرسلات
حي المصيف
حي الورود
حي صلاح الدين
حي الواحة
حي المغرزات
حي النزهه
حي الازدهار
حي التعاون
حي المحمدية
حي النخيل
حي التخصصي
حي السليمانية
حي العليا
وايجارات الشقق المتوسطة تترواح ما بين 18000 الى 35000 ريال للسنه
والفلل الدوبليكس من 80000 الى 140000ريال في السنة
لكن الافضل لمكان سكنك انه يكون قريب من عمل زوجك عشان زحمة المواصلات الصبح والظهر

مدارس البنات الخاصة اللي مستواها ممتاز:
عندك مدارس نجد في حي العليا
مدارس رياض نجد ما اعرف اسم الحي لكنه قريب من مركز غرناطه
مدارس دار العلوم في حي الفلاح
مدارس منارات الرياض
مدارس العليا في حي المرسلات
مدارس الرياض في الناصرية
وفيه كثير غيرها لكن حسب مكان سكنك اللي انتي ناوية عليه

لو تقولين وين زوجك شغله عشان نقدر نفيدك اكثر
واي شي تبينه زياده لا يردك غير لسانك
وياهلا فيك راح تنور الرياض بوجودك فيها

الله يحيك ياحبيبتي ويسهل لك نقلتك لرياااض

الريااض مره كبيره فلو تعرفين زوجك وين بضبط راح يشتغل علشان تشوفين المنطقه
إلى راح تدورين فيها

والرياض مقسم اقسام كثيره
الجنوب(أسعارها اقل بنسبه للباقي وتتفاوت الاحياء فيها وتعتبر اغلبها وسط وأقل من الوسط
فيها احياء جديده واسعارها معقوله جداً بنسبه لأسعار جده وشمال الرياض وفيها حركه ومدارس بس انها بعيده عن وسط المدينه)
الشرق (اسعارها مختلفه بس نادر ماتلقين فيها فلل او شقق جديده لانها منطقه مزحومه مثل الجنوب)
الشمال(تعتبر غاليه بس قريبه من المولات ووسط الرياض والأحياء متفاوته وراح تلقين خيارات كثير )
الغرب(حي السفارت وأحياء راقيه قصور ومخططات جديده فيها مجال تلقين دوبلوكس جديد)

بس المناطق بعيده عن بعض مرره يعني المشاوير سفر
والمدارس لازم تحددين اي منطقه تقريباً راح يكون عمل زوجك فيها
ولو ماانتي ملزومه بزوجك وعمله

انصحك بالشمال (حي التعاون- المرسلات -النزهه -الفلاح-المحمديه-الخزامى-الخالديه مميز وجديد ومنظم)تلقين أجارات ووفلل جديده واسعار افضل
والمدارس القريبه تقريباً(مدارس رياض نجد-مدارس منارات الرياض-مدارس دار العلوم بالفلاح)
وإي سؤال تفضلي وأسألي
وعسني نفعتك ولو بشيء بسيط والمعلومات الموجوده عامه وإذا حبيتي سالين انا عندي معلومات حلوه عن الرياض خاصه من ناحية الاحياء

الواحه و النخيل لا تتعدينهم

الله يجزاكم خير
تسلمو على المعلومات هذه
والله عندي اسئله كثير بس اخاف اغثكم تدرو النقل من بيت لبيت متعب فما بالكم من مندينه لمدينه و ما ادل شي فيها
يعني اتحملوني شويه الله يستر عليكم
و قلتلكم مو قبل 3 اشهر بس الواحد من الحين يدور و يظبط وضعه
عمل زوجي بيكون فنفس الفيصليه
مو هي العماره الكبيره اللي ما اشوفها غير فالاخبار
يعني ايش تقترحو احسن حي
و ممكن القى شقق كبيره
انا عندي ثلالثه الله يحفظهم و ساكنه بفيلا صعب اروح على شي صغير
طبعا قبل اسكن اكيد لازم اروح ولا عشرين زياره عشان ادور و اشوف
ادعولي والله اني شايله هو زي الجبل
الله يجزاكم خير انشالله