فالبداية
ماابغى اتكلم عن الشات والدردشة والأغاني والأفلام
لا لا ,,في شيء نفسهم بس ما شفت احد لفت انتباه له
كثير من البنات يدخلون المواقع الزوجية اللي اقدر اقول عنها انها اغلبها
اباحيه
وبالخط العررريض
فيها اشياء استغفر الله ماترضي الله ولا رسوله
ويتعذرون بقولهم ان حنا بنتثقف لازم نعرف الأشياء هذي
حنا مانعرف ولا شيء على عمانا
لو ماتعرفين شلون دخلتي على الموضوع!!
اقولكم اسألكم بالله
لما تدخلون موضوع ومحطوط فيه صور شرح اللي بالي بالكم مثلا
وحتى لو مافي صور
في بعضهم كاتب كلام ماله داعي لا يرجي من وراه خير ولاهو حال لأحد مشكله
يكتب وكأنه عااايش الوضع .!!!!!! خير وين قاعدين
مايدري انه يثير شهوات ضعاف الأيمان
وياويله من ربي لو ان اللي يشوف موضوعه :(
وناس تتبعوا خطوات الشيطان
لما زادت شهوتهم راحوا يدورون على صور اباحية من مواقع اجنبيه
او مقاطع فيديو او اوو.......:44:
وكل هذا راح يكون وزر وذنب على صاحب الموضوع
واللي يقهر ويبط الكبد تلقى اغلب المشتركين
كاتبين بتوقيعهم سبحان الله وادعية وتواقيع اسلامية
وياليتهم ينصحون ........ لا يقولون يعطيك العافية عالموضوع
ويتحمسون يشوفون صور اكثر واكثر:icon33:
وبعض هالمنتديات ماتوريك الصور الا لما ترد عليها
وتلقى الاااف الصفحات
من الردود :icon33:
ناهيتكم عن الأيميلات اللي فيها+18 او +16
لاحول ولا قوة الا بالله
مابي اطول عليكم
اذكركم بقول رسول الله صلى الله عليه وسلم
((الحلال بيّن والحرام بيّن))
وادري انكم تدرون ان هالشيء حرام من اساسه
بتقولون طيب وش بيدنا نسوي ...؟
بقولكم المسأله سهله جداً
ابسطها ماتدخلون هالموقع ابدا
ولاتربحون اصحاب هذه المواقع بمجرد عدم دخولكم هذا يكفي
لأنهم بيّملون وبيسكرون موقعهم وماعندهم احد وبيكون لك اجر ان شاء الله
وبعض هالمنتديات حاطيلك جميع الاقسام ومن ضمنها القسم الاسلامي !!
والله شي يقهر لما نسكت عن هالشيء ونقول انه بسيط
وبذكركم بحديث الرسول صلى الله عليه وسلم
(( - إن الله كتب على ابن آدم حظه من الزنا ، أدرك ذلك لا محالة ، فزنا العين النظر ، وزنا اللسان المنطق ، والنفس تتمنى وتشتهي ، والفرج يصدق ذلك كله أو يكذبه ))
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 6243
خلاصة حكم المحدث:
وقوله صلى الله عليه وسلم
((العين تزني والقلب يزني فزنا العين النظر وزنا القلب التمني والفرج يصدق ما هنالك أو يكذبه
الراوي: أبو هريرة المحدث: أحمد شاكر - المصدر: مسند أحمد - الصفحة أو الرقم: 16/153
خلاصة حكم المحدث: إسناده صحيح))
ترضين ان يكتب عند ربك انك زانيه
ولا ترضين ان يقال لك في الملأ الاعلى ان عينك زانية
واذنك زانية وقلبك زاني
لا والله محد يرضى وان شاء الله انا مو من الزناة
والله يابنات هالشيء مايصلح
تذكري ان ربي يشوفك وتذكري ان هالشيء مايرضاه
وتذكري ان كل ذنب ماتبتي منه بتجزين بعقوبته سواء بالدنيا او الأخره
يعني وش فيها اذا غضيتي بصرك ودعيتي ربي يثبتك
وخلي هالعمل يشفع لك عند الله وتدعين الله فيه :42:
انك كانت نفسك تشتهي شيء وتركتيه عشان الله سبحانه وتعالى
وربي بيفرج لك امور انتي بأمس الحاجة انها تنفرج :)
وتذكري قصة اصحاب الغار اللي كل واحد دعاء بعمل صالح عمله وسواه لوجه الله تعالى
وربي افرج عنهم الصخرة.......
تذكري انتي قولي هل انا عندي عمل ادعو الله فيه اذا جتني مصيبة أو كرب ..!!
هنا بتتذكرين انك قصرتي بحق ربك إذا ما تركتي ماتشتهي نفسك
أو انك بتتذكرين انك تركتي هالشيء عشان الله :)
ودعيتي وقلتي ياربي انا كان ودي ذاك اليوم اشوف هالصور او مقطع الفيديو او الموضوع الفلاني
ونفسي والشيطان يأمروني بالسوء لكن ياربي عشانك انت بس وعشاني احبك وانك اغلى عندي
من نفسي ومن الدنيا ومافيها تركتها يارب اذا كنت انا عملته خالصا لوجهك افرج عني ما انا فيه ..
تتوقعين ربك ماراح يستجيب لك !!
لأ وهو ذو الفضل العظيم
وهو اكرم الأكرمين
صدقيني مثل مافرجها لأصحاب الغار بيفرجها لك
والرسول عليه الصلاة والسلام لما قال هالقصة ماينطق عن الهوى
ويبغى الناس تعتبر من هالقصة ويسوون الأعمال الصالحة لمصلحتهم ليتزودوا
اتمنى تستشعرون نظر الله لنا
وتقولون خلاص إلى هنا وكفاية
إلى متى صور شات مقاطع اغاااني كام
إلى متى,..
صدقيني بكرا لما تكبرين بتندمين انك ضيعتي وقت من شبابك ماذكرتي الله سبحانه وتعالى فيه
وتتحسرين
انتي بس تخيلي ذاك اليوم
توصلين لأرذل العمر ولاعندك علم ولا عمل
اعذروني عالتقصير عندي كلام كثيرر واشياء لو اقولكم من اليوم الى بكرا ما اخلص
لكن انتو عاقلات وتعرفون الصح من الغلط
وان شاء الله بتتبعون رضا ربكم عشان يوفقكم بالدنيا والأخره
(( اللهم اني بلغت اللهم فأشهد))
:26:
وكلام الكثير عنها بداعي التثقيف
وكلام فارغ ماله معنى طبعا مايجوز انه
الواحد ينظرلها
اللهم احفظنا وطهرنا