فضحتني ظلم احس بالعااار

السلام عليكم
الله يفرج همكم انصحوني وادعولي ربي يخلصني من همي
قبل فتره كتبت موضوع عن اخت زوجي وحذفوه الاداره لانه يعتبر من الغيبه
لاكن انا اترجاكم لا تحذفونه المره هذي لاني محتاجه حل بأسرع وقت ممكن لانها سببت لي مشاكل كثيره
المهم هي زارتني في بيتي وكانت تقضي اغلب الوقت عندي وتنام عند امها احنا في نفس العماره
لما كانت عندي كانت طووول وقتها على ايباد معاها برامج تواصل اجتماعي وعايشه جوها
وانا احسنت اليها استقبلتها وضيفتها والله الذي لا اله الاهو ان حتى شعرها مشطه لها واكلها عندي وقهوتها عندي ومتحمله ازعاج عيالها على عيالي يومين
وهي وعيالها مدخنين وبنت عم اولادي كبيره عمرها 10 سنين دائما تجي عندنا تلعب مع بنتي الكبيره
واخت زوجي كل شوي تاخذ واحد من عياله وتروح دورة المياه تدخن هي وياه وانا انصحها واحذرها وتحقرني وبيتي صار ريحته دخان واحاول اهوي واغطي عليهم اخاف على عيالي يشوفوهم ويتأثرون منهم
المهم هي مااااخذه راحتها في بيتي وحطت دخانها في شنطتي حقت الطلعات الصغيره وانا دائما اخليها فوق التسريحه وبنتي الصغيره تحوس وتدوس الله يحفضها وحصلته وجت تصيح في الصاله هذا حق بابا هذا حق بابا وعمتها اخذته منها بالدس وشوي راحت دورة المياه ودخنت وبنت عم عيالي شمت الريحه بعد فتره لانها طلعت وجلست على جوالها بعد مادخنت وجت البنت تسألني لا يكون ياساره تدخنين هوشتها وقلت وش الكلام هذا قالت بيتك ريحته دخان لايكون تسرقين دخان عمي وتدخنين وطلعت من البيت تركض راحت بيتهم
خااااااايفه انها قالت لأهلها انه انا ادخن فضيحه اقسم بالله
هذا غير اولادها يسرقوووون بنتي الكبيره عندها حصاله تجمع فيها من ايام المدرسه والحصاله كانت مليااانه فلوس والله اني بس اضغط عليها عشان تدخل كلها وماعديتها ولا فكرت وعد بنتي اجيب لها هديه في الفلوس هذي
ولما كانت عمتها عندنا اولادها اخذوا فلوس بنتي من حصالتها وجت عندي تقولي وانا طلعت اشوف الا اخت زوجي تقول لا والله هذي فلوسنا تونا صرفناها في المحطه وتحلف بالله انها لهم وانها عادتها قبل ماتجي
وانا وثقت فيها ثقه عمياااااء ومافتحت الحصاله ولا شي حطيتها فوق دولاب المطبخ وطلعت
واكتشفت اليوم انهم اخذوها وهي غطت على عيالها الله لايحللهم
ويوم صارت بتروح دخلت مطبخي على اساس انها اخذت ملوخيه من عند امها وحطتها في ثلاجتي وبتاخذها وتطلع وانا كنت مشغوله مع ولدي الصغير انيمه وبعد ماراحت اكتشفت انها اخذت مفرزناتي اكثر من نصها بدون استأذان انقهرررت منها وكل يوم احاول اكلمها على جوال ولدها وماترد وولدها يقولي كلام ماله داعي هو صغير طالع لصف ثالث ابتدائي بس قليل ادب
وقبل شوي قلت لزوجي عن حركاتها وسرقاتها وقلتله معد ابغاها تدخل بيتي
وانا خايفه من الفضيحه بسبب الدخان
لان زوجي مدخن راح يصدقون فيني حسبي الله ونعم الوكيل
انصحوووووووووني ايش اسوي وهل تصرفي صحيح لما قلت لزوجي او لا