فضفضة

صباح الخير على الجميع
حاسه نفسي ضايقه وملخبطه ومالقيت نفسي الاهنا..واللي بسطره لكم يالغوالي
مجرد فضفضه ولعلي احصل احد مثل وضعي ويحس باللي احس فيه
انا متزوجه لي اكثرمن3سنوات وبعيد عن اهلي ووالدتي مريضه وللان ماعرفو هل المرض روحي اوجسدي راحت لمستشفيات كثير وراحت لرقاة بس الوضع مثل ماهو اسال ربي يشفيها عاجل غيراجل وهالامر
شاغلني كثير واتمنى لواني قريبه لها..زوجي يطلع من اول الصباح ولايرجع الاعلى ال7 مساء
طبعا يرجع تعبان يجلس له ساعتين ثم يرقد..انا مومتعوده ع الوحده ع الرغم من اني صارلي فتره موقصيره ع هالوضع تعبت وربي ,الغالب ابكي لحد مااصدع ..ماتعرفت على احد من اللي حوالي
مع انه نفسي اتعرف ع جيران ..زوجي اهله موجودين بنفس مدينتنا بس ولاكاني اعني لهم شي
زرتهم وتقربت منهم بس من غيرفايده وفهمت انهم على قولة المثل,,يالله نفسي قلت بنفسي
اصبر لحد ماربي يفرجها لي..ودايم اتذكرالماضي ووجنيني اللي ربي ماكتبه لي
لوتشوفو فرحتي يوم حملت كنت مستانسه واقول الحمدلله بيجي من يملا فراغي
وخلال حملي بولدي الله يشفع لي فيه صادفت مشاكل كثيرمع زوجي وحليتها عشان ماكنت ابي شي يخرب فرحتي الموهم وصلت لنهاية الثامن وكان باقي لي 5 ايام ع التاسع وكان يوم اربعاء اذكره
ومستحيل انساه فقدت حركة الجنين بس كان تجي لي تقلصات وكنت اسال امي قالت مافيه الاالخير
هذي حركه طبيعيه وجاء الخميس والجمعه والسبت والوضع نفسه والقلق ياكل بقلبي واناساكته
الاحد رحت لدكتورتي وياليتي مارحت يوم ماانساه الله لايذوق قلوبكم مثله اخذت اكثرمن ساعه وهي تدورعن نبض الجنين وبالاخيرتحولني ع مستشفى حكومي تقول يمكن فيه خلل عندي بالاجهزه
هي عارفه انوالجنين متوفي بس ماتبي تصدمني ..رحت للمستشفى الحكومي وانا ابكي واستغفرطول الخمس ساعات اللي انتظرفيهاينادوني عشان ادخل وافحص دخلت خذوقياس الضغط ودخلت غرفة الكشف سونار وجتني دكتوره من جنسيه عربيه حسبي الله عليها ونعم الوكيل بعدماكشفت قالت بكل برود انتي عارفه ان جنينك ميت انا هنا انفجرت من البكى وردة فعلها علي قالت لي يالله يالله قومي
اه الله لايعيد ذيك اللحظات ويجعلكم ماتجربوها..
مريت بعدها بحاله نفسيه زفتتتتت ...والحمدلله اني مؤمنه بان ربي مايمنع شي الالخير
وباذن الله تعالى يتمم لي بالعافيه ويرزقني بالذريه الصالحه يارب
اتمنى ماطولت عليكم بس حسيت محتاجه اتكلم لوبالكيبورد اهم شي فيه احديسمع لي ويدعي لامي
بالشفااااااااااااء العاجل يارب..